Bhargavanadika 3.48

3.48

arkagamandadaśāyāṃ svajanadveṣyaṃ parastriyaṃ labhate
bhṛtyāpatyavirodhaṃ 1māhodyaṃ doṣaparibhūtim
nīcāṃśamandadāye nīcācāreṇa jīvanaṃ labhate
sarveṣāṃ preṣyatvaṃ dhanasutadāraiśca vigrahaṃ duḥkham
uccāṃśamandadaśāyāṃ vividhasukhāndabhogabhāgyādīn
videśayānaṃ grāmasabhāmaṇḍalādhipatyaṃ vā
2ādau śanerdaśāyāmatikaṣṭaṃ bhrātṛnāśamapi kurute3
madhye videśayānaṃ4 paragṛhavāsaḥ 5parānnabhogaśca
sthānavīryayutamandadyāyāṃ dānaputradhanakīrtimupaiti
coraśatrunṛpavahnibhayaṃ vā bandhunāśamathavākṣi6gudārtim
mandasya digviryayutasya dāye
digantarodāntasukhārtakīrtim
bhṛtyadārātmajasodarāṇāṃ
vināśanaṃ bandhujanairvirodham
kālavīryayutamandadaśāyāṃ kālakūṭaviṣabhītimupaiti
dāraputranṛpacorabhayaṃ vā dhānyabhūmikṛṣivāhanalābham
vakracārayuto mandaḥ karoti viphalakriyām
udyogabhaṅgaduḥkhaṃ ca sodarārthavināśanam
krūra7ṣaṣṭhāṃśasaṃyuktaḥ śanerdāye mahadbhayam
nṛpakopaṃ padabhraṃśaṃ kārāgṛhiniveśanam
saumya8ṣaṣṭhāṃśasaṃyuktaḥ śanerdāye mahatsukham
dāraputrārthasaṃpattiṃ9 labhate bandhuvigraham
10vaiśeṣikāṃśasaṃyuktaḥ śaniḥ saukhyaṃ karoti ca
viśeṣādrājasaṃmānaṃ vicitrāmbarabhūṣaṇam
krūradrekkāṇasaṃyuktaśanerdāye mahadbhayam
udvandhanaṃ viṣāddhītiṃ11 nṛpacorāgnijaṃ bhayam
nīcarāśigato mandaḥ svoccāṃśakasamanvitaḥ
daśādau duḥkhamāpnoti daśānte tvatisaukhyadaḥ