Shripatipaddhati (Jatakapaddhati) 8.11.p1.1

8.11.p1.1

adhyāyānāmaṣṭake vṛttasaṃkhyā saṃjātāsyāṃ ṣaṭtricandrapramāṇā
proktānuṣṭupchandasā granthasaṃkhyā ślokenaikenāḍhyayā hi dviśatyā 12
tātkāliko'rkoyanabhāgayuktastaddbhogyabhāgairudayo hataḥ svaḥ
khāgnyuddhṛtastaṃ ravibhogyakālaṃ viśodhayediṣṭaghaṭīpalebhyaḥ
tadagrato rāśyudayāṃśca śeṣamaśuddhahṛt khāgniguṇaṃ lavādyam
aśuddhapūrvairbhavanerajādyairyuktaṃ tanuḥ syādayanāṃśahīnam
khaikāgnivikhavedarāmayamabhūsvābhrābhramekādibhe
draṣṭrā varjitadṛśyakasya guruṇā ceddṛṣṭa vede kṛtāḥ
mandenārvayamassṛjānagaguṇeṅgābhādijāḥ saṃskṛtā
bhāgaghnakṣayavṛddhikhānalalavenābdhyuddhṛtā dṛg bhavet
grahadṛgbala—
dṛśyādviśodhya draṣṭāraṃ ṣaḍrāśibhyo'dhikaṃ bhavet
digbhyo viśodhya dvābhyāṃ tu bhāgīkṛtyaṃ ca dṛṣṭayaḥ
śarādhike vinā rāśiṃ bhāgā dvighnāśca dṛṣṭayaḥ
vedādhike tyajedbhūtādbhāgā dṛṣṭikhibhādhike
viśodhya yugato dvābhyāṃ labdhaṃ khāgniyutaṃ bhavet
karādhike vinā rāśiṃ bhāgāstithiyutāstathā
rūpādhike vinā rāśiṃ bhāgā dvābhyāṃ vibhājitāḥ
tridaśe ca trikoṇe ca caturasre kramādatha
śaravedāḥ kharāmāśca tithayo yojitāḥ kramāt
śanidevejyabhaumānāmevaṃ dṛṣṭiḥ sphuṭā bhavet
Cf : parāśara
nīconaṃ tu grahaṃ bhārdhādhikaṃ cakrādviśodhayet
bhāgīkṛtya tribhirbhaktaṃ phalamuccabalaṃ bhavet
Cf. śambhuhorāprakāśa
tātkālikāḥ syuḥ suhṛdo nabhogāḥ khavikramāyāmbudhanavyayasthāḥ
ekarkṣasaptāṣṭamadharmaputropagārigāste ripavo niruktāḥ
maitrīcakraṃ bhāvataḥ kaiściduktaṃ naitacchrīpatyādikānāṃ mataṃ hi
lagne naisargādyathā sthānasaṃsthaiḥ kheṭairmaitrīyogapūrvaṃ vicintyam