Shripatipaddhati (Jatakapaddhati) 8.11.p1.9

8.11.p1.9

tadbhāgāḥ kābdhiṣaḍbhogi (8641) hatāvedābhrasāyakaiḥ (504)
bhaktā dinādi yallabdhaṃ yadāyurjīva śarmajam
dinaistu triṃśatā māsā māsebhyo ravibhiḥ samāḥ
aṃśāyurlagnavīryeṇa paiṇḍaṃ bhānornisargajam
hantyāccāndreṇa sarvāṇi saṃyojyaikatra bhājayet
lagnārkacandravīryāṇāṃ saṃyogena sphuṭaṃ phalam
varṣādikaṃ bhavedāyuḥ śrīdharācāryasaṃmatam ||” iti—
syāddharmiṣṭhasuśīlapathyasubhujāṃ na syādidaṃ pāpinām
pathyāśināṃ śīlavatāṃ narāṇāṃ sadvṛttabhājāṃ vijitendriyāṇām
evaṃ vidhānāmidamāyuratra cintyaṃ sadā vṛddhamunipraṇītam
gṛhādikā (7) vargasaṃkhyā rūpayuktā'rddhitā tathā
riṣṭādhīśabalaṃ bhaktaṃ bhaṅganāthabalaṃ ca yat
syādrāśyākhyaṃ tathānyeṣāṃ vargāṇāṃ tadvalaṃ valam
rāśyādivarganāthānāṃ balairāhatya tadvalam
sarvaṃ vargabalaṃ tat syādviṣṭatadbhaṅganāthayoḥ
bhaṅge riṣṭakṛto hitāhitaśubhāsatvaṃ ca nīcoccabhā'stādyasyāśrayatāṃ vicārya matimān riṣṭasya bhaṅgaṃ vadet
śreṣṭhaṃ riṣṭahratau daśākrama ihaujaḥ śrīdharādyoditaṃ
kaṣṭeṣṭapnabalāntarātmaka ca kṛtaṃ tadyuktiśūnyaṃ tvasat
varganāthānvicintyādau saumyapāpān hitāhitān
nīcoccagāṃstathānyāṃśca śodhayettān parasparam
iti nigaditā yogāḥ sārddhaṃ phalairiha nābhasā
niyataphaladāścintyāhyete samastadaśāsvapi
śubhaphaladadaśāyāṃ tādṛgevāntarātmā
bahujanayati puṃsāṃ saukhyamarthāgamaṃ ca
kathitaphalavipākairastarkayedvartamānāṃ
pariṇamati phaloktiḥ svapracintāsvavīryaiḥ
chāyā śubhāśubhaphalāni nivedayantī
lakṣyā manuṣyapaśupakṣiṣu lakṣaṇajñaḥ
tejoguṇān bahirapi pravi̱kāśayantī
dīpaprabhāsphaṭikaratnaghaṭasthiteva