Pramāṇa · Search · About · API

Shripatiya 7

Śrīpatīya 7

Language
Sanskrit

7.1

saptamo'dhyāyaḥ
antardaśāprabhṛtibhedavatīṣu yasmāt
nūnaṃ daśāsu nikhilāsu śarīrabhājām
vyaktiḥ śubhāśubhavimiśraphalasya samyaktasmāddaśākramavidhānamathābhidadhmaḥ

7.2

pākaṃ dvādaśadhā vadanti yavanā digbhedabhinnaṃ tathā
māṇitthāḥ khalu bādarāyaṇamunistaṃ cāṣṭadhā proktavān
ṣaḍbhedaṃ khalu siddhasenavibudhastaṃ devalādyāḥ punaḥ
bhedairabdhimitairudāradhiṣaṇaḥ śrīviṣṇuguptastribhiḥ

7.3

pākaṃ dvibhedaṃ munirāha satyastacchāstradṛṣṭyā kathayāmyaśeṣam
naisargikaḥ syātprathamo'tra bhedo daśākramākhyaśca bhavedvitīyaḥ

7.4

antardaśākhyaḥ kathitastṛtīyaḥ proktaścaturtho vidaśābhidhānaḥ
yo rāśisaṃjñaḥ khalu pañcamo'tra ṣaṣṭhastathā bhāvaphalākhyabhedaḥ

7.5

yogābhidhaḥ syādiha saptamo'pi syādaṣṭamo dṛṣṭiphalābhidhānaḥ
prokto'ṣṭavargo navamo munīndrairhorādivargo daśamo grahāṇām

7.6

pratyabdamāsadyuniśāphalaiḥ syādekādaśo bhojanamaithunādyaiḥ
sadvādaśaḥ sattvaśarīradhātusvarūpabhedaiḥ kathito'tra tajjñaiḥ

7.7

prāyastadantaḥ patitāstu sarve daśādikānāṃ tu daśāḥ prabhedāḥ
tenoditā naiva pṛthak pṛthakte daśākramaṃ saṃprati kīrtayāmaḥ

7.8

lagnādityoḍupānāmadhikabalavataḥ syāddaśādyā tato'nyā
tatkendrādisthitānāmiha bahuṣu punarvīryato vīryasāmye
bahvāyurvarṣadātuḥ prathamaminavaśainoditasyābdasāmye
brūmaścāto daśādikramavidhimadhunā śiṣyabodhaprasiddhayai

7.9

pūrvaṃ vilagnasya daśā yadā syāt bhāvaṃ tadā khecarato viśodhya
śeṣaṃ tu bhāvāntarabhāgakhaṇḍāt saṃśodhya vīryeṇa tato nihanyāt

7.11

bhāvāntarāṃśārddhavibhājitaṃ tat pākakrame vīryamudāharanti
bhāvādviśuddhe'pi hi khecarendre prāgvadbalaṃ pākavidhau prasādhyam 10
kendrādigānāṃ dyusadāṃ balāni tadvatprasādhyānyadhikaṃ hi yasya
khacāriṇastasya daśāgrataḥ syādādantardaśā vā vidaśāhvayā vā

7.12

ādyā daśā cetsavirtuvibhorvā tadā balaṃ saṃskṛtameva tasya !
vedoddhṛtaṃ rāśibalaṃ tadarddhamanyeṣu vargeṣu punarvidheyam

7.15

svavargapānāṃ guṇayedbalaistu yathākramaṃ vargabalaṃ tadāhuḥ
prāk pākanāthagrahayorgrahāṇāṃ syādyāvatāṃ sāmyamatheha tebhyaḥ
parasparaṃ vargabalaṃ viśodhyaṃ daśākrame tadbalamāhurāryāḥ
yasyādhikaṃ vīryamihāvaśiṣṭaṃ vācyā daśā vā'ntarajā ca tasya
arddhamekagṛhagastrikoṇagastyaṃśamastagṛhagastvagāṃśakam
pādamatra caturasrasaṃsthitaḥ pācayanyatha nijaiḥ phalairgrahāḥ

7.16

kṛtvāṃśakānāmiha rūpamādau chidāṃ samatvaṃ ca tathā vināśam
nijaikyabhaktāḥ pṛthagaṃśakāḥ syurantardaśāḥ svasvasamāvinighnāḥ

7.17

antardaśābhyo vidaśāḥ syurevaṃ tābhyastathaivopadśāḥ pradiṣṭāḥ
pratyabdamāsadyuniśāghaṭīṣu phalaṃ nigadyaṃ sadasacca tābhyaḥ

7.18

janmakālakaliyātavatsarotpannamadhyamaravau samaṇḍale
nikṣipedatha daśādvijāḥ samāmāsavāsaraghaṭīvināḍikāḥ

7.19

tādṛśo bhavati bhāskarā yadā madhyamo paradaśā tadā bhavet
sādhyate dinagaṇonupātataḥ khecarāḥ savikalādahargaṇāt

7.20

yugārkacakrairyugasūryasāvano yadi dyupiṇḍaḥ samavāpyate tadā
daśāpraveśodbhavasūryamaiṇḍalaiḥ sabhāṃśaliptādibhirāpyate'tra kaḥ

7.21

savikalāditisiddhadinavrajāt kathitatantravidheḥ kuru khecarān
sphuṭatarānudayaṃ ca nijodayairitividhāya tato'tra vicintayet

7.22

daśāpatirlagnagato yadi syāt triṣaḍdaśaikādaśagaśca lagnāt
tatsaptavargo'pyatha tatsuhṛdvā lagne śubho vā śubhadā daśā sā

7.23

yāvanti varṣāṇi daśā ca sā syāccārākramāttatra daśāpatiḥ saḥ
yatrāsthitastadbhavanādvidhośca sthiteḥ prakalpyaṃ sadasatphalaṃ hi

7.24

daśādhināthasya suhṛdgṛhasthastaduccago vā'tha daśādhināthāt
smaratrikoṇopacayasthitaśca dadāti candraḥ khalu satphalāni

7.25

ukteṣu rāśiṣu gatasya vidhoḥ sa rāśiḥ
syājjanmakālabhavamūrttidhanādibhāvaḥ
tattadvivṛddhikṛdasau kathito narāṇāṃ
tadbhāvahānikṛdathetararāśisaṃsthaḥ

7.26

daśāpraveśe svagṛhādisaṃsthe himadyutau yatphalamuktamādyaiḥ
tadvācyaminduhiṃ śubhāśubhākhyaṃ phalaṃ manorūpatayā dadāti

7.27

utpāditaṃ hi dyucarasya pūrvaṃ śubhāśubhākhyaṃ tu phalaṃ yadatra
tenānusāreṇa daśāsu kalpyaṃ śarīrabhājāmaśubhaṃ śubhaṃ ca

7.29

iṣṭotkaṭatve hi śubhāni puṃsāṃ phalānyaniṣṭānyaśubhotkaṭatve
sāmye tu miśrāṇi phalāni nūnaṃ phalaṃ tridhaivaṃ parikalpanīyam
saptavargajaphalasya sūribhistatprabhoriha phalasya niścayāt
evameva parikalpanā sphuṭā śobhanāśubhaphalasya kīrtitā

7.30

yadyaddravyaṃ kathitamṛṣibhiryasya yasya grahasya
karmājīvo'pi ca tanubhṛtāṃ yaśca yaścodito'tra
yadbhāvotthaṃ yadapi gṛhajaṃ yogajaṃ dṛṣṭijaṃ yat
tattatsarvaṃ grahabalavaśādyojanīyaṃ daśāsu

Linked texts (4)