Shukajataka 6: atha ṣaṣṭho'dhyāyaḥ
Śukajātaka 6
- Language
- Sanskrit
Contents
- 6.8 — 2 parts
atha ṣaṣṭho'dhyāyaḥ
6.1
athā'mitāyuryogalakṣaṇamāha
ekāṃśakasthā budhajīvaśukrāste karmaṃgā lagnamupāgatāśca
dharme śanau janmani yasya janto rasāyanādyairyugamādadhāti
6.2
amitāyuyogalakṣaṇa-kathana
ekāṃśakasthā budhajīvamandā
dharme sthitā lagnamupāgatā vā
ṣaṣṭhe'ṣṭame vā himagauśca yasya
sahasravarṣadvayamatra jātaḥ
6.3
jīvāṃśakasthāḥ sakalā grahendrāḥ
kendrasthitā dharmadhanāśritā vā
jāto naraḥ pravrajitaḥ sa bālye
yugāntamāyurbahuśāstrakarttā
6.4
mandāṃśakasthā ravijīvabhaumā
dharmāśritāḥ karmayutā balāḍhyāḥ
rāśyavasāne himagaurvilagne
yugāntamāyuḥ śriyamādadhāti
6.5
dharmeśvare dharmagate ca saumye
bhaumāṃśakasthe himagau ca dṛṣṭe
munīśvaro'yaṃ muniyogajātaḥ
śāstrādikarttā yugamādadhāti
6.6
akṣīṇacandre suhṛcca bhāṃśe
lābhāśrite lagnamupāśrite ca
dharmeśvare sūryasute balāḍhye
jāto'tra dīrghāyurasaṅkhyavarṣaḥ
6.7
gurumandāvekasthāvekāṃśagatau svadharmakarmasthau
arkodaye sasaumye jāto munivallabho'ti dīrghāyuḥ
6.8
atidīrghakālayoge jāto jitendriyo bhūtvā divyauṣadhiprayogād vilapraveśāntameti mantrapāt ?
6.8.p1
'gopurāṃśe gurau kendre śukre pārāvatāṃśake
trikoṇe karkaṭe lagne yugāntaṃ sa tu jīvati'
6.8.p2
bṛhatparāśarahorāśāstra-āyurdāyādhyāya, 57
6.9
ityādi yogā yavanopadiṣṭā mayeritā pūrvakramānuṣaṅgāt
sarvān viniścitya daśāntarāle chidreṣu yogoktaphalaṃ prayojyam
6.6-2
iti śrīśukadevabrahmarṣiviracite śukajātake'mitāyuyogādhyāyaḥ ṣaṣṭhaḥ
Linked texts (3)
- Bṛhatparāśarahorāśāstra (ed. Śrīdhara) — Sanskrit
- Jātakapārijāta — Vaidyanātha Dīkṣita, Sanskrit
- Horāratna — Balabhadra 1629, Sanskrit