Shukajataka (Śukajātaka)

शुकजातक

Language: Sanskrit
Author: Śuka
Extent: 229 passages, 2,246 words
Text: partly digitised
Source: archiveorg · Shuka Jatakam (Jyotisha Grantha) with Hindi Translation; ed. Dr. Brijeshkumar Shukla; Chaukhamba Surabharati… · Scan of a printed edition hosted by the Internet Archive (archive.org); the ancient text is in the public…

2 — 38 parts
3 — 38 parts
4 — 1 part
5 atha tṛtīyo'dhyāyaḥ — 134 parts
6 atha ṣaṣṭho'dhyāyaḥ — 10 parts

Text

2.2

nimiṣādivatsarāntaṃ rāśipramāṇamekaikam
gaṇitaskandhe proktaṃ pūrvaṃgrahacāralakṣaṇaiḥ sārddham

2.3

horāskandhe samyagdaśāvibhāgaṃ purā vinirdiṣṭam
vistāraśāstramārgo na śakyo mandabuddhibhirjātum

2.4

tasmātprayogasiddherācāryairyatphalaṃ svasiddhaṃ tat
vispaṣṭārthaṃ vakṣye horāśāstrārṇavātsāram

2.5

meṣavṛṣamithunakarkaṭasihakanyātulāśca
vṛścikaśca dhanurathamakarakumbhau mīna iti

2.6

rāśināmāni
kanyā sānalasthā plavagā ca tulādharo ghaṭīmīnau
nakro mṛgākṣivadano narośvajaghano dhanuḥ pāṇiḥ

2.7

meṣavṛṣamithunakarkaṭāḥ svanāmasadṛśāścarāḥ
mithunaṃ daṇḍadharaṃ vīṇāhastaṃ ca vijñeyam

2.8

alimīnakulīrākhyā jalātmakā jalacarāśca vijñeyāḥ
taulivṛṣayugaghaṭakanyā jalāśritāstatpradeśaniratāḥ syuḥ

2.10

atha diśāpatiḥ
raviśukrabhaumasarpāḥ saurendusaumyavākpatikramaśaḥ
prācyādīnāṃ nāthā balānvitāḥ sarvakāleṣu

diśāpaticakram
diśā pūrva āgneya dakṣiṇa nairṛtya paścima vāyavya uttara īśāna
svāmī sūrya śukra bhauma rāhu śani candra budha guru
jāmitraṃ caturasraṃ trikoṇamājñātṛtīyametāni
svasthānād vīkṣyante grahāḥ krameṇa boddhavyāḥ

2.12

sampūrṇaṃ pādonaṃ pūrṇāddhaṃ pādamekaṃ kiraṇebhyaḥ
ripumaitryaṃśavihīnā nīce dvādaśārkagāstu pādāṃśāt

2.13

'duścikya daśamagāt sauristrikoṇasthāt bṛhaspatiḥ
caturthāṣṭamagāt bhaumaḥ śeṣāḥ saptamasaṃsthitān'
'sute saptame pūrṇadṛṣṭistamasya tṛtīye ripau pādadṛṣṭirnitāntam
dhane rājyagehe'rdhadṛṣṭiṃ vadanti svagehe tripādaṃ bhaveccaiva ketoḥ'
viṃśatyaṣṭādaśadaśaravimanuṣoḍaśāṃśakiraṇāḥ syuḥ
pūrvādīnāṃ saṅkhyā rāśīnāmīśvaro'rkakiraṇāḥ syuḥ

2.14

ravigurubhaumāḥ puruṣāḥ striyaste rāhubhārgavaśaśāṅkāḥ
śatruyutanīcasaurasaumyā napuṃsakāśceti vijñeyāḥ

2.15

śukraguru vipreśau ravibhaumau kṣatriyau viśaścandraḥ
antarajātiḥ saumyo vṛṣalo mando'ntyajātirinduripuḥ

2.16

rāhuśaniketubhaumāḥ pāpāḥ krūrau raviḥ śaśī kṛṣṇe
budhaguruśukrāḥ saumyāḥ śukle saumyaḥ śaśī jñeyaḥ

2.17

śukrabudhau rājasikau guruśaśiravayastu sāttvikāḥ
jñeyā bhaumaśanisaiṃhikeyāstamoguṇāḥ sarvakāryeṣu

2.18

pittātmakau ravikujau vātaśleṣmādhikau tu candrasitau
vātādhiko'rkaputraḥ śaśijo miśre'tha vākpatiścāpi

2.19

raktaśyāmo bhānuścandro gauraḥ kujo'tiraktaśca
dūrvākāraḥ saumyo hiraṇyavarṇo guruḥ svabhāvato jñeyaḥ

2.20

sitavarṇo bhṛgusūnurnīlanibho bhāskariḥ śikhī dhūmraḥ
bahuvarṇo bhṛgusūnustvaparo nīlāñjano rāhuḥ

2.21

saumyo'pi rāśivarṇo grahayoge tadgrahoktavarṇaguṇaḥ
svāṃśasvakṣetragato grahayogavivarjito nijoktaguṇaḥ

2.22

arddhāviṣṭaḥ savitā piṅgākṣo nātiromahanuḥ
asthiravāso'pyalaso durbalajānuḥ prasannamukhavaktā

2.23

dīrgho mṛdusvabhāvaścandro matimān na ghṛṇinaṃyajñaśca
vātaśleṣmaprakṛtiḥ śuklāmbarabhūṣaṇo na nityatanuḥ

2.24

capalo vighātakuśalo raktākṣo paittiko'gniśikhāṅkaḥ
vikṛtaścaro'tigauraḥ kṛśodaro'ṅgārako'vinītaśca

2.25

śyāmekṣaṇo nayajño madhyākāraḥ sthirānvito bhraṣṭaḥ
bahuvārtānvitabhāṣī vidvān saumyastridoṣasaṃyuktaḥ

2.26

sthūlātmā dīrghatanurmanthavakṣo buddhimānnayajñaśca
śleṣmādhiko'tivāgmī pītāmbarabhūṣaṇo śreṣṭhaḥ

2.27

kāntaḥ subhagaḥ śukro vātaśleṣmādhiko viśālamatiḥ
sthūlavapuḥ strīvaśago vikaṭākṣo vaśvanasvabhāvarataḥ

2.28

sthūlanakhadantakeśo māyāvī bahudīrghapādaśca
vātādhikaḥ śirālo mando'pyalaso na śāntamatiḥ

2.29

bālākāro bhaumaḥ kumāraveṣo budho gurustriṃśat
śukraḥ || ṣoḍaśavarṣo ravistu pañcāśaddvaveṣaśca

2.30

śaniḥ saptativarṣo keto rāhośca varṣaśatam
yo yo bhāvādhipayukto graho grāhyo'pi vidvadbhiḥ

2.31

yeṣāṃ prasūtisamaye balānvito yo graho viśeṣakaraḥ
tasya svabhāvasvarūpaṃ janane nṛṇāṃ sadā cintayam

2.32

atha grahanāmāni
sūryo bhānustathā''dityo raviḥ prabhākarastathā
dineśastamohantā ca dinakartā dinamaṇiḥ

2.33

śītaguścandramā somo rajanīpatireva ca
śītakiraṇo niśānāthaḥ śaśī kumudinīpatiḥ

2.34

āro vakro mahīsūnū rudhiro raktarāṭ ca
aṅgāraka iti khyātaḥ krūradṛk krūrakṛttathā

2.35

saumyo vijño budhaśceti somajo bodhanastathā
ete saumyasya paryāyā: kumāraśca prabhāsutaḥ

2.36

gururjīvo devamantrī devatānāṃ purohitaḥ
devejyo'ṅgirassuto bṛhaspatiriti smṛtaḥ

2.37

śukro bhṛgurbhṛgusuto'sphujicca sitastathā
uśanā daityapūjyaśca kāmaḥ kaviriti smṛtaḥ

2.38

koṇo mandaḥ śaniḥ kṛṣṇaḥ sūryaputro yamastathā
paṅguḥ śanaiśvaraḥ sauriḥ kālacchāyāsuto'sitaḥ

2.39

rāhustamo'suro'guśca svarbhānuśca vidhuntudaḥ
dhātā ca saiṃhikeyaśca bhujaṅgākhyaśca te samāḥ

2.40

śikhī keturdhvajo dhūmro mṛtputro'nilastathā
nāmānyetāni sarveṣāṃ grahāṇāṃ ca vidurbudhāḥ

3.1

iti śrībrahmarṣiviracite śukajātake grahayonibhedādhyāyaḥ prathamaḥ

3.1-2

udagayane svakṣetre madhyabalastaducyante
svocce svāṃśatribhāgahorāyāṃ svadine balavān bhānuḥ

3.2

mitrakṣetreṣu madhyabalo rāśipramukho bhānurbalavān
madhyāśriteṣu madhyabalo rāśyante balahīnaḥ sandhyāyāmastabhāve ca

3.3

candre vṛṣabhe yāte dakṣiṇamārge svahorāyām
rātrau svāṃśe svadine svadreṣkāṇe balānvitaścandraḥ

3.4

pratipatpūrvaṃdaśāhe madhyabalaḥ śītaguḥ site pakṣe
śreṣṭho dvitīyadaśake mandabalaścandramāstṛtīye ca

3.5

uttarapathi prayātaḥ pradakṣiṇo vā grahāṇāṃ ca
saumyairyukto dṛṣṭo vā sarvagrahavīkṣito balī candraḥ

3.6

abalaḥ praveśakāle madhyabalo madhyāśritaścandraḥ
rāśyante balayuktaḥ pūrṇasthāneṣu sarveṣu

3.7

nirjitaśatrurvakrī tejasvī makarakumbhamīneṣu
yāmyāyane ca balavān rātrau ca dharāsutaḥ proktaḥ

3.8

svāṃśe svadine kṣetre svadreṣkāṇe balānvito bhaumaḥ
daśamarkṣastho balavān samastarāśau ca vijñeyaḥ

3.9

ādāvatibalayukto hīnabalo madhyamāśrito raktaḥ
bhavanāvasānavarttī madhyabalaśceti vijñeyaḥ

3.10

vimuktaścāpahataḥ kṣetrodīcīṃ svarkṣe svāṃśe balī saumyaḥ
rātrau divā ca balavān vakrī balānvito'rkayuktena

3.11

rāśimukhe madhyabalaḥ sampūrṇabalaśca madhyamāyātaḥ
rāśyante balahīnaḥ svadreṣkāṇe dine ca balayuktaḥ

3.12

jīvaḥ svakṣetre gato vṛścikarāśau ca karkaṭasthaśca
udagayane pūrvāhṇe dreṣkāṇe navāṃśake jayī balavān

3.13

rāśimukhe madhyabalaḥ sampūrṇabalaśca madhyamāyātaḥ
rāśyante balahīno vakrī balavān nīcarāśau syāt

3.14

triṣaṭkamaṇḍalagato vakrī bhānupurassaraṃ syāt
svagrahoccottarasaṃsthaḥ śukro balānvito'parārddhe

3.15

rāśyādau balahīno madhye balavān vinirgame madhyaḥ
candrasamāgamakāle balavān yuddheṣu vijayī syāt

3.16

kṛṣṇo niśi vakrayātaḥ svagṛhatulādakṣiṇāyanagataśca
uccaśca mandagāmī nirjitaśatruśca vijñeyaḥ

3.17

mando balī praveśe madhye tvavalo balī gamanakāle
sarvasthāneṣu ravibalānvitaṃ kecidicchanti

3.18

vṛṣameṣālikulīraghaṭarāśisamanvito rāhuḥ
candrārkayogakāle pariveṣe rāśinirgame balavān

3.19

cāpāparārddhe mīne vṛṣakanyayorbalānvitaḥ ketuḥ
keturdarśanakāle śakradhanurdarśane ca rātrau ca

3.20

atha kendrabalaviśeṣamāha
cāpājasiṃhamīneṣvarko lagnānvito balī bhavati
teṣveva karmaṇi gato vijñeyo'nyatra balahīnaḥ

3.21

prāleyāṃśurmithunagokanyācāpābjagṛhagato balavān
mīne hayārddhaprathame jāmitragataśca balayuktaḥ

3.22

vṛṣarāśisanniviṣṭaścāparārddhe paścime ca karmasthaḥ
karkaṭamithunayorapi pātālasamāśrito balavān

3.23

prāglagne kṣitisūnurbalānvitaḥ kumbharāśinā sārddham
karkaṭavṛścikayorapi patnīsthānāśrito balavān

3.24

mṛgapūrvārddhe mīne karmaṇi paścārddhaṃgataṃ pātāle
nirupahatavarṇavīryo balānvitaḥ svatrikoṇe ca

3.25

mṛgasiṃhakarkavṛścikalagnasthaḥ svāṃśake balī saumyaḥ
pātālasthaśśrāpe vṛṣabhe saptamasthe jhaṣe ca karmasthaḥ

3.26

siṃhavṛṣājadhanurdharavṛścikamīne ca lagnago balavān
karmaṇi pātālagato balavān jīvo'balo'nyatra

3.27

siṃhājakaurppiṣu lagnastho bhārgavaḥ svarāśau ca
balavāṃścāpāntyagato vṛścikarāśau ca patnīsthaḥ

3.28

hayapūrvārddhe siṃhe vṛścike mīne ca karmadeśasthaḥ
balavān sito jitārirmṛgapaścārārddhe ca hibukasthaḥ

3.29

kumbhe tulādharayutaprācyāṃ hibuke ca sūryaṃjo balavān
meṣūraṇe ca siṃhe pṛṣṭhodayavarjito'stamaye

3.30

lagnasthau budhajīvau karmaṇi sūryārakau ca digbalinau
śukrendū pātāle dyūne sauro navāṃśake'pyevam

3.31

āpoklimeṣvavīryā madhyabalāḥ paṇapharāśritāḥ sarve
kendrāśritāśca balinaḥ sadā grahāḥ kīrtitā yavanaiḥ

3.32

atha naisargikabalamāha
saurād dviguṇo bhaumo balavān bhaumāccaturguṇaḥ saumyaḥ
saumyājjīvaḥ ṣaḍguṇo jīvādaṣṭādhiko bhṛgurbalavān

3.33

śukrātṣoḍaśabalaścandro bhānustato dviguṇaḥ
taddviguṇaḥ sarveṣāṃ rāhurbalavānnisargajanitaśca

3.34

candrārkau balayuktau kujādayaḥ proktamārgabalahīnāḥ
śubhaphaladāste sarve daśāsamāyoge sadā cintyāḥ

3.35

bhānāmadhaḥsthānagatāḥ krameṇa, mandāryā bhaumārkasitajñacandrāḥ
teṣāmadhaḥsthānagato balīyān, rāhurmahīmaṇḍalamūrdhinasaṃsthaḥ

3.36

proktaprakāraiḥ prabalānvitā ye, mūrcchāśritāste'pyabalā bhavanti
yogeṣu bhāveṣu daśāphaleṣu na samyaguktāni phalāni santi

3.37

saumyagrahairbalayutaiḥ subhagāstejasvinaḥ
surūpāśca saumyā balibhiḥ pāpairmūrkhā pāpāḥ prajāyante

4.2

iti śrībrahmarṣiviracite śukajātake balanirūpaṇādhyāyo dvitīyaḥ

atha tṛtīyo'dhyāyaḥ

5.1

aṅganājanmapīḍakṣe gate tārādhipe tathā
jīvekṣite yute vā syādārtavaṃ garbhakāraṇam

5.2

bālā vṛddhāturā vandhyā muktvā cānyā sulakṣaṇam
trayodaśaniśāsnānān tatkālaṃ ca pracakṣate

5.1-2

'kujenduhetupratimāsamārtavaṃ gate tu pīḍakṣemanuṣṇadīdhitau
ato'nyathā śubhapuṅgrahekṣite nareṇa saṃyogamupaiti kāminī'
( bṛhajjātaka 4

5.3

)
strīṇāmupacayasthendoḥ śubhapuṅgrahavīkṣite
śubhodaye same rātrau niṣiñcet putrakāraṇam

5.4

arkendū jīvaśukro vā svarkṣe vā svāṃśakodaye
bhaumadṛṣṭiyute vā'pi puṃyogā syuramī: smṛtā:

5.5

lagnastho vā sutastho vā dharmastho vā balī guruḥ
proktarkṣe śubhavāre syād dhārayed garbhamuttamam

5.6

lagnātmajeśau saṃyuktāvanyo'nyaṃ cāpi vīkṣitau
kṣetre parasparasthau vā putrayogā ime smṛtāḥ

5.7

lagnaṃ muktvā viṣame ca balavān bhāskarātmajaḥ
sthitaḥ putraprado jñeyo nānyagrahanirīkṣitaḥ

5.8

puṅgrahāḥ ṣaṣṭhalābhasthāḥ paścameśo balī yadā
sarve viṣamarāśisthāḥ putrayogā ime smṛtāḥ

5.9

candraśukrodaye vāpi paścame daśame'pi vā
svarkṣe vā svāṃśake vāpi strīyogāḥ śāstravīkṣitāḥ

5.10

rāhūdaye candradṛṣṭe viparīte tathā yadi
candrahorāgate śukre candrasthe vā tathaiva ca

5.11

dvādaśasthe vā budhe lagne dṛṣṭe vā daśame'pi vā
yamalaṃ kurute yogaḥ strīpuṃso rāśisaṃśrayāt

5.12

samarkṣagau candraśukrau dvādaśasthe vā budhodaye
viṣameṣvārajīvau vā yamalau syānna saṃśayaḥ

5.13

catuṣpadaṃ gate mānau śeṣairvīryasamanvitaiḥ
dviṃtanusthaiśca yamalau bhavataḥ kauṣṭaveṣṭitau

5.14

atha ṣaṇḍhayogamāha
anyo'nyamabhivīkṣete candrādityau divā yadi
budhamandau tathā rātrau ṣaṇḍhayogadvayaṃ bhavet

5.14.p1

'anyo'nyaṃ yadi paśyataśśaśiśiravī yadyārkisaumyāvapi
vakro vā samagaṃ dineśamasame candrodayau cet sthitau
yugmāvarkṣaṃgatāvapīnduśaśijau bhūmyātmajenekṣitau
pumbhāge sitalagnaśītakiraṇāḥ ṣaṭ klībayogāḥ smṛtāḥ||'

5.14.p2

bṛhajjātaka 4|13

5.14.p3

'anyo'nyaṃ raviśaśijau viṣamau viṣamarkṣaṃgau nirīkṣyete
indujaraviputrau vā tathaiva napuṃsakaṃ kurutaḥ
vakro viṣame sūryaḥ samagaścaivaṃ parasparālokāt
viṣamarkṣe lagnendū samarāśigataḥ kujo'valokayati
budhacandrau kujadṛṣṭau viṣamarkṣasamarkṣagau tathaivoktau
ojanavāṃśakasaṃsthā lagnendusitāstathaivoktāḥ||'

5.14.p4

bṛhajjātaka-ṭīkā, pṛ0 54|55

5.15

vivījināmime yogā niṣphalāśca bhavanti hi
ardhāvṛtaguṇairhīnā yathā yogāstathāvidhāḥ

5.16

garbhamāsa-kathana
kalalaṃ prathame māsi tasya māsādhipo bhṛguḥ
dvitīye māsi bhaumeśo garbhapiṇḍākṣabījavat

5.17

garbhāṅkurastṛtīye syāttasya māsādhipo guruḥ
majjāsthisambhavo māsi caturthe bhāskaro'dhipaḥ

5.18

pañcame māsi someśastvagmedorajasambhavaḥ
garbhāṅgasambhave ṣaṣṭhe tasya māsādhipaḥ śaniḥ

5.19

jñānendriyayutaḥ paścātsaptamāseśvaro budhaḥ
bhavaneśo'ṣṭame māsi kṣuttṛṣṇāsambhavo bhavet

5.20

udvegigarbhasaṃsthaśca māseśo navame śaśī
prasūtirdaśame māsi māseśo bhāskaraḥ smṛtaḥ

5.20.p1

'kalalaghanāṅkurāsthicarmāṅgajacetanapāḥ
sitakujajīvasūryacandrārkibudhāḥ parataḥ
udayapacandrasūryanāthāḥ kramaśo gaditāḥ
bhavati śubhāśubhaṃ ca māsādhipateḥ sadṛśam

5.20.p2

bṛhajjātaka 4|16

5.21

'kujāsphujijjīvaravīndusauraśaśāṅkalagnendudivākarāṇām
māsādhipatyaprabhavo na caiṣāṃ jayopaghātairgrahavad bhavanti'
'kalalaghanāvayavāsthitvakromasmṛtisamudbhavāḥ kramaśaḥ
māseṣu śukrakujajīvasūryacandrārkisaumyānām
aśanodvegaprasavāḥ parato lagneśacandrasūryāṇām
kaluṣaiḥ pīḍā patanaṃ nipīḍitairnirmalaiḥ puṣṭiḥ'
māsalakṣaṇayuktaśca garbhasukhamavāpnuyāt
ūnādhikā guṇāstasya jñātvā prasavamādiśet

5.22

yadā māsādhipo rikto bhagno vā'stagato'pi vā
tasmin māsi kṣayaṃ yāti prasavo vā bhaviṣyati

5.23

garbhādhānāccare rāśau daśame māsi sūyate
sthire caikādaśe māsa ubhaye dvādaśe savaḥ

5.24

niṣekakāle yatproktaṃ phalaṃ praśne samādiśet
garbhapraśne tu nārīṇāṃ bhānuje viṣamarkṣaje

5.25

puṅgraheṇa yute dṛṣṭe pumān bhavati niścitam
puruṣasparśane praṣṭā puruṣākṣaramuccaran

5.26

dehasya dakṣiṇe bhāge sparśanena pumān bhavet
anyathā strīprasūtiḥ syāt strīgraheṇa yutekṣaṇāt

5.27

lagnendro yo balavān tasya dvirāṃśakānvito yo rāśiḥ
yāvattasmāttāvatkālātparato rāśisthitau vidhau prasavaḥ

5.28

'tatkālamindusahito dvirasāṃśako yastattulyarāśisahite purataḥ śaśāṅke
yāvānudeti dinarātrisamānabhāgastāvadgate dinaniśoḥ pravadanti janma'
'yatsaṅkhye dvādaśāṃśe śītaraśmiryadavasthitaḥ
tatsaṅkhyo yastato rāśirjanmendau tadgate vadeta'
'yasmin dvādaśabhāge garbhādhāne vyavasthitaścandraḥ
tattulyarkṣe prasavaṃ samādiśet prājñaḥ' || (sārāvalī 8|48)
tatkālendunavāṃśājjāmitre śītagau sthite prasavaḥ
udaye navāṃśādhipateḥ kṣetre yāte vidhau prasavaḥ

5.29

rātryādirāśibhāgād bhukte tāvad gate rātrau
hibukeśe balayukte śubhayoge vā sravati garbhaḥ

5.3-2

iti śrībrahmarṣiviracite śukajātake niṣekajanmādhyāyastṛtīyaḥ

5.1-3

atha caturtho'dhyāyaḥ:
pravakṣyāmi samāsena sadyo maraṇameva ca
jātasya pūrvaṣaṭkasthā ye grahāste śubhapradāḥ

5.2-2

grahā ye paraṣaṭkasthāḥ parokṣaphaladāyinaḥ
bhānuḥ pitā hi jantūnāṃ candro mātā tathaiva ca

5.3-3

tayorbalābalaṃ jñātvā pitṛmātṛguṇān vadet
pāpadṛṣṭiyuto bhānuḥ pāpamadhyagato'pi vā

5.4-2

pitrariṣṭaṃ vijānīyācchiśorjātasya niścitam
bhānau, ṣaṣṭāṣṭamarkasthaiḥ pāpaiḥ saumyavivarjitaiḥ

5.5-2

caturasragate vāpi pitrariṣṭaṃ vinirdiśet
bhaumāṃśakasthite bhānau svaputreṇa nirīkṣite

5.6-2

prāgjanmato nivṛttiḥ syānmṛtyurvāpi śiśoḥ pituḥ
bhaumaḥ sūryāṃśake yuktaḥ sukhabhe dharmabhe tathā

5.7-2

nekṣito budhaśukrābhyāṃ nekṣate pitaraṃ śiśuḥ
mātrariṣṭaṃ tu candreṇa jñātvaivaṃ pūrvavad vadet

5.8-2

kṣīṇacandrāttrikoṇasthaiḥ pāpaiḥ saumyavivarjitaiḥ
mātā parityajed bālaṃ ṣaṇmāsānnātra saṃśayaḥ

5.9-2

ekāṃśakasthau mandārau yatra tatra sthitau yadi
rāśitrikoṇasthaiḥ pāpaistathā saumyavivarjitaiḥ

5.10-2

tayorbalābalatvena pitṛmātṛgrahodbhavaḥ
mūrtau balānvito yasya pitṛveśmani sambhavaḥ

5.11-2

'kṣīṇacandrātrikoṇasthaiḥ pāpaiḥ saumyavivarjitaiḥ
mātā parityajed bālaṃ ṣaṇmāsācca na saṃśayaḥ
ekāṃśakasthau mandārau yatra kutra sthitau yadā
śaśikendragatau tau vā dvimātṛbhyāṃ ca jīvati'
cararāśyaṃśake bhānau cararāśyaṃśakodaye
śiśoḥ pitā videśasthastato lagnaṃ na dṛśyate

5.12-2

lagnaṃ na dṛśyate candraścararāśyaṃśakasthitaḥ
parokṣagaḥ pitā tasya sūtikāle na saṃśayaḥ

5.13-2

vāgīśe nīcasaṃsthe ca candre rāśyaṃśasandhige
mūko vāpi jaḍo vāpi saumye pāpasamanvite

5.14-2

bhāgyabandhugataiḥ pāpairlagneśe balavarjite
sūtikāle pitā duḥkhī śiśo ripvaṣṭame'pi vā

5.15-2

arkāṃśake sthite mande cārkaiṇeva nirīkṣite
janmakāle pitā rogī kujadṛṣṭe'thavā yute

5.16-2

na paśyati guruścandraṃ lagnaṃ ca parajātakaḥ
sārkandunekṣite jīve sūryendū pāpasaṃyutau

5.17-2

ekastho vā pṛthakstho vā nekṣate guruṇā tathā
dṛśyate no śubhairvāpi sa bālaḥ parajātakaḥ

5.18-2

atha kālāṅgavibhāga tathā dreṣkāṇāṅgavibhāga cakra
rāśi lagna rāśi dvitīya rāśi tṛtīya rāśi caturtha rāśi pañcama rāśi ṣaṣṭha rāśi saptama rāśi aṣṭama rāśi navama rāśi daśama rāśi ekādaśa rāśi dvādaśa rāśi
prathama dreṣkāṇa śira netra kāna nāsikā kapola cibuka mukha cibuka kapola nāsikā kāna netra
dvitīya dreṣkāṇa kaṇṭha skandha bhujā pārśva hṛdaya udara nābhi udara hṛdaya pārśva bhujā skandha
tṛtīya dreṣkāṇa vasti liṅga, gudā aṇḍa- kośa ūru jānu jaṃghā pāda jaṃghā jānu ūru aṇḍa- kośa liṅga, gudā
krūrarāśyaṃśake candre gururāśyaṃśake'pi vā
pūrvoktayogasambhūtena paraijāta iṣyate

Shukajataka (Śukajātaka)

Contents

Text

atha tṛtīyo'dhyāyaḥ