Kalasara 11.p35

11.p35

iti saṃvarttokteḥ | ata eva varṣamadhye yadā kadāpi prāpte daśamāhe sutarāṃ kriyākaraṇasamācāraḥ | saṃnyāsināṃ dāhādyabhāvaḥ | brāhme,- trayāṇāmāśramāṇāñca kuryyādāhādikāṃ kriyām | yateḥ kiñcinna karttavyaṃ na cānyeṣāṃ karoti saḥ || mahābhārate,- na dagdhavyo na dṛgdhyo viduro'yaṃ kadācana | jñānadagdhaśarīrasya punardāho na vidyate || kiñciditi dāhādiṣapiṇḍāntaviṣayamiti kalpatarukārāḥ | pracetāḥ,- ekoddiṣṭaṃ jalaṃ piṇḍamāśaucaṃ pretasatkriyām | na kuryyāt pārvvaṇādanyat pretabhūtāya bhikṣave || kuryyādekādaśāhe'sya pārvvaṇaṃ na sapiṇḍanam | ekoddiṣṭaṃ yaternāsti tridaṇḍagrahaṇādiha || sapiṇḍīkaraṇābhāvātpārvvaṇaṃ tasya sarvvadā̍ | ekadaṇḍisaṃnyāsināṃ na śrāddham | brāhmaṇādiṣṭate tāte patite saṅgavarjite | vyukramācca tato deyaṃ yebhya eva dadātyasau || ityuktaiḥ, - evamuktāsu pūrvamadhyamottararūpāsu tisṛṣu kriyāsu ekena kriyamāṇāsvapi ye kecit putraniyamā uktāste sarve sarveṣāṃ kāryā eva| phalasaṃskārāṇāṃ phalasāmānādhikaraṇyaniyamāt| ekenāpi kṛtayā kriyayā sarveṣāṃ pṛthak pṛthak phalaprāpteḥ| anyathā teṣāṃ pratyavāyaparihārābhāvāt| sarveṣāṃ adhikāritvena sambandhāt| yatta "sarveṣāntu mataṃ kṛtvā" ityādi| jyeṣṭhasya kartṛtve niyamaḥ| ataeva tasya yāvaduktamāpti(1) brahmacaryyamatulyatvāditi nyāye phalisaṃskārāvacanena vyavasthāpitāḥ (2) te sarveṣāmapi phalitvādāvarttanta ityuktam| tathā ca phalisaṃskārajanakānāṃ niyamānāmakṛtau anyeṣāma kiñcitsaṃskārahānau phalatāratamyameva syāditi| evaṃ yajamānasyāśaktau yadyanena kenacicchrāddhādikaṃ kriyeta, tadā yajamānasyaiva pūrvadinoktataddinavihitasarvaniyamakaraṇaṃ, na tu karttuḥ, anyasya karttuḥ phalitvābhāvāt| nanu yajamānasyāśaktau anyāṅgavadanyo'pi niyamān kuryyāditi cet na| phalisaṃskārāṇāmanyakṛtānāṃ yajamānayo(3) gyatāpādakatvāt| tathā coktaṃ ṣaṣṭhādhyāye, phalisaṃskārāstvanyena kriyamāṇā(4) yajamānasya yogyatāṃ janayanti iti”| nanu satre kathaṃ ṛtvijāṃ phalisaṃskārā dūti cet, ucyate| tatra phalisaṃskārā na teṣāṃ yogyatāsampādanāya, kintu saṃskārāṇāṃ karttṛsampadagratāsampādanāyeti dik