Kalasara 11.p37

11.p37

yāvadasthimanuṣyasya gaṅgāmbhasi ca tiṣṭhati | tāvadvarṣasahasrāṇi svargaloke'dhitiṣṭhati || daśāhābhyantare yasya gaṅgātoye'sthi majjati | gaṅgāyāṃ maraṇe yādṛk tādṛkphalamavāpnuyāt || yamaḥ,– gaṅgātoyeṣu yasyāsthi varttate śubhakarmaṇaḥ | na tasya punarāvṛttirbrahmalokātkadācana || ādityapurāṇe(1), tannayanādhikāriṇaḥ,– asthīni mātāpitṛpūrvvajānāṃ nayanti gaṅgāmbhasi ye kadācit | sadbhāvakasyāpi dayābhibhūtāsteṣāṃ tu tīrthāni phalapradāni || kuladvayaṃ vāpyatha varjayitvā mātāpicorjanmabhūmyāśrayaśca | asthīni cānyasya naro vahaṃśca bhāgyakṣayaṃ labhate duṣkṛtaṃ ca