Kalasara 11.p42

11.p42

māsi māsi kāryyo'parapakṣaḥ | syādaparāhnaḥ śreyāniti | śrāddhamiti śabdo vācako yasya tat tathā | brāhmaṇākhyāhavanīyārtha iti tyaktavya(1)dravyapratipattisthānatvenetyarthaḥ| tathā ca pitṝnuddiśya dravyatyāgo viprasvīkāraparyantaḥ śrāddhamiti lakṣaṇaṃ | viṣṭarabrāhmaṇakaśrāddhe'pi paścāt brāhmaṇasvīkārālakṣaṇasamanvayaḥ | daivikaśrāddhe'pi,vasurudrāditisutāḥ pitaraḥ śrāddhadevatāḥ | iti smṛteḥ, ete vai pitaro devā devāśca pitaraḥ punaḥ | iti mantraliṅgācca, devānāṃ pitṛlokasambandhena pitṛtvāt yamāyamādīnāṃ pitṛtvāllakṣaṇasaṅgatiḥ | śrāddhānukalpahiraṇyadāne tu yathoktalakṣaṇasattvāt samyageva lakṣaṇasaṅgatiḥ | etena śrāddhasya dānatvaṃ siddhamiti | gaṅgātīre'nyapuṇyasthāneṣu ca pratigrahasya niṣiddhatvācchrāddhanimantraṇam teṣu na svīkāryyam | nanu gayāśrāddhādau kevalapiṇḍadāne svatvadhvaṃsaparasvatvāpattiphalakatyāgarūpasya dānasyābhāvāt kathaṃ dānateti cet, ucyate | parasvatvāpattirna dānapadārthāntargatā, pratigrahasya vṛttyarthatvāt prāptatvena vidheyatvābhāvāt | na caivaṃ praiātidattādisvīkāra iva mantrādiniyamo na syāditi vācyaṃ | bhojanādau diṅmukhādiniyamasyevādṛṣṭārthatvāt | kiṃca, yadi parasvatvāpatterdānapadārthāntargatatvaṃ syāttarhi vivāhaprakaraṇe "pitā prattāmādāya" iti pāraskarasūtre prattāmityanena pratigrahasiddherādāyeti vyarthaṃ syāt | kiñca,-