Kalasara 11.p45

11.p45

tuṅgādikamasaṅgataṃ syāt | “pitṛbhyo rocatāṃ, yathāsukhaṃ vāgyratājuṣadhva”mityādyapyasaṅgataṃ syāt | ataeva “(1)amukasamagotraitattubhyamannaṃ svadhā namaḥ” iti brahmapurāṇoktau pitṛgotroccāraṇameva, na tu nimantritabrāhmaṇasya | nanu “pitṝn yajate”(2) iti śruteḥ śrāddhasya yāgatvamiti cet, na | tatra yajaterdānārthalakṣaṇāyaṇāt | dānārthatve tu pitṝniti dvitīyāvibhaktiranupapanneti cenna | pitṝnuddiśya yajate(3) iti vyākhyānasyāṅgīkaraṇāt | “tyāgo dravyasya yaḥ pitṝn” uddiśyeti manūktirevātra pramāṇaṃ | etena yajata iti vacanamavalambya śrāddhasya tyāgatvaṃ yāgadānobhayarūpatvaṃ ceti yuktijālaṃ vitatya vadanto nirastā eva | tatra brāhmaṇabhojanaṃ pradhānaṃ, uta piṇḍadānaṃ āhosvit ubhayam | yadvā pitṝnuddiśya dravyatyāga eva, iti sandehe | “viprasvīkāraparyyantaḥ” ityukterbrāhmaṇabhojanameva pradhānaṃ, piṇḍadānamiti ca kecit | anye tu paṅktipāvananimantraṇāpāṅktebhojanadoṣābhadravyakaśrāddhadarśanaśrāddhikapratigrahānadhyāyādidarśanāt brāhmaṇabhojanaṃ pradhānamiti | karkācāryyāstu, – gayāśrāddhabhīṣmapiṇḍadāne prāntatuṣṭastotyānadarśanakevalapiṇḍadānavidhibhyaḥ piṇḍadānaṃ pradhānamiti | nārāyaṇabhaṭṭaprabhṛtayastu “ubhayaṃ pradhānaṃ” iti | tathā ca,– agnau hutena devasthāḥ pitaraśca dvijatarpaṇaiḥ | narakasthāśca tṛpyanti piṇḍairdattaistribhirbhuvi