Kalasara 11.p54
Kālasāra 11.p54
- Language
- Sanskrit
11.p54
viśvāmitraḥ, śrāddhāni dvādaśetyāha– nityaṃ naimittikaṃ kāmyaṃ vṛddhiśrāddhaṃ sapiṇḍanam | pārvvaṇaṃ ceti vijñeyaṃ goṣṭhyaṃ(1) śuddhyarthamaṣṭamaṃ || karmāṅgaṃ navamaṃ proktaṃ daivikaṃ daśamaṃ smṛtam | yātrāsvekādaśaṃ proktaṃ puṣṭyarthaṃ dvādaśaṃ punaḥ || vivṛtañcaitat bhaviṣye,– ahanyahani yacchrāddhaṃ tannityamiti kīrttitam | vaiśvadevavihīnantadaśaktāvudakena tu || ekoddiṣṭaṃ tu yacchrāddhaṃ tannaimittikamucyate | tadapyadaivaṃ karttavyaṃ ayugmānāśanayeddvijān || kāmāya vihitaṃ kāmyamabhipretārthasiddhaye | pārvvaṇena vidhānena tadapyuktaṃ khagādhipa || vṛddhau yat kriyate śrāddhaṃ vṛddhiśrāddhaṃ taducyate | sarvvaṃ pradakṣiṇaṃ kāryyaṃ pūrvāhne hyupavītinā || gandhodakatilairyuktaṃ kuryyātpātracatuṣṭayam | ardhārthaṃ pitṛpātreṣu pretapātraṃ prasecayet || ye samānā iti dvābhyāmetadvijñeyaṃ saṃpiṇḍanam | nityena tulyaṃ śeṣaṃ syādekoddiṣṭaṃ striyā api || amāvāsyāṃ yatkriyate tatpārvvaṇamudāhṛtam | kriyate parvvaṇi yattu tatpārvvaṇamiti sthitiḥ
Linked texts (5)
- Gadādharapaddhati — Gadādhara Rājaguru 1725, Sanskrit
- Kālasāra — Gadādhara (Pāraskara commentator), Sanskrit
- Gūḍhārthadīpikā — Vāmadeva, Sanskrit
- Nṛsiṃhaprasāda — Dalapatirāja 1511, Sanskrit
- Śrāddhapradīpa (Rudradhara) — Rudradhara, Sanskrit