Kalasara 13.p51

13.p51

ajñānāt yadi vā mohāt pracyaveddhvareṣu yat | smaraṇādeva tadviṣṇoḥ sampūrṇaṃ syāditi smṛtiḥ || tathāca kramarūpāṅgasiddhaye viṣṇusmaraṇaṃ kāryyam | nanu,- sapiṇḍīkaraṇe vṛtte pṛthaktvenopapadyate | pṛthaktve tu kṛte paścāt punaḥ kuryyāt(1) sapiṇḍanam || iti hārītoktyā sapiṇḍabhānāntaraṃ patitamāsikakaraṇe punaḥ sapiṇḍanaprasaṅgaḥ(2) iti cet, na | etadvākyasya prāptapitṛlokapretaśāstrollaṃghanapūrvakapṛthakkaraṇaparatvāt | tathāca,-pretānāmiha sarveṣāṃ ye ca mantrairniyojitāḥ | kṛtārthāste hi sambṛttāḥ sapiṇḍīkaraṇe kṛte || pretabhāvāt vinistīrṇāḥ prāptāḥ pitṛgaṇantu te | yaḥ sapiṇḍīkṛtaṃ pretaṃ pṛthakpiṇḍe niyojayet || • vidhighnastena bhavati pitṛhā copajāyate | iti śātātapoktyā pitṛtvaprāptyanantaraṃ sapiṇḍīkaraṇaṃ niṣiddhaṃ, māsike patite ṣoḍaśaśrāddhāsampattyā pitṛlokaprāptyasiddhau pṛthakkaraṇe'pi na doṣaḥ | nanvevaṃ sati, - yasya samvatsarādarvāk sapiṇḍīkaraṇaṃ kṛtam | māsikaṃ codakumbhaṃ ca deyaṃ tasyāpi vatsaram