Kalasara 14.p15

14.p15

ityuktidvayenāpi sapiṇḍīkaraṇābhāvaḥ pratīyate, dūti cenna tadubhayoḥ prajāḥ cotpādayitavyāḥ ityarthavādakatayā nirṇayāt | avivāhitasya tu sapiṇḍanābhāvaḥ | dvādaśāt vatsarādūrddhaṃ paugaṇḍamaraṇe sati | sapiṇḍīkaraṇaṃ na syādekoddiṣṭāni kārayet || ityanyatrokteḥ | paugaṇḍo bālakaḥ | ādipadena ekādaśāha^{(1)}śrāddhādyupasaṅgrahaḥ | yasyaitāni na kurvīta ekoddiṣṭāni ṣor̤aśa | piśācatvaṃ^{(2)} bhavettasya dattaiḥ śrāddhaśatairapi || iti jāvālyuktyā sapiṇḍanaṃ vināpi ekādaśāhaśrāddhābhidhānāt | pitāmahādibhiḥ pituḥ sapiṇḍanam | tathāca bharadvājaḥ,— pituḥ sapiṇḍīkaraṇaṃ tasya pitrādibhiḥ saha | puruṣāṇāṃ ca sarveṣāṃ tadvatkuryāt sapiṇḍatām || puruṣāṇāṃ pitṛvyādīnāṃ | etena yaḥ kaścidadhikārī pretasya pitrādibhiḥ saha kuryyāt ityarthaḥ | strīṇāmapi sapiṇḍanamāvaśyakaṃ | tathā ca viṣṇuḥ,— sapiṇḍīkaraṇaṃ strīṇāṃ kāryyameva yathā bhavet | yāvajjīvaṃ tathā kuryyāt śrāddhaṃ tu prativatsaram || tāsāṃ sapiṇḍīkaraṇaṃ pitāmahyādibhiḥ saha