Kalasara 14.p17

14.p17

atra nārāyaṇabhāṣyam pretabhāvāpannamapi pitaraṃ nistīrṇapretabhāvena anistīrṇapretabhāvena vā pitāmahena saha śuddhaṃ kuryyāt, sapiṇḍayediti śāstrīyo viniścayaḥ | tataśca śāstrabodhite kānupapattiḥ | yadā tu saṃskuryyāt iti niścaya iti pāṭhaḥ tadāyamarthaḥ | viṣṇudharmottare,yairiṣṭaṃ vividhairyajñaiḥ pūjito yaiśca keśavaḥ | pretalokaṃ na te yānti tathā ye agnihotriṇaḥ || ye cānye samare hatā iti pāṭhāntaram | iti agnihotryādeḥ pretadehaprāptirnāsti | ato'sau śuddhastamapi pitāmahena śuddhena aśuddhena ca saṃskuryyāt sapiṇḍayedityarthaḥ iti | evaṃ pitāmahīprapitāmahībhyāṃ asaṃskṛtābhyāmapi saha mātaraṃ sapiṇḍayet ityarthaḥ | "kāryyaḥ tatrāpyayaṃ vidhiḥ”, iti brāhmokteḥ | imāni sapiṇḍanāntapretakarmmāṇi grahaṇadine'pi pakkānnena eva kāryyāṇi ! pretaśrāddhaṃ prakurvīta pakkānnenaiva sarvvadā | svayaṃ pākaṃ prakurvīta sagotraṃ vāpi kārayet || apatnīko'pi siddhātraiḥ kuryyāt śrāddhāni ṣor̤aśa | iti pracetovākye sarvvadāpadopādānāt | atha putrikāputrakartṛka(1)sapiṇḍīkaraṇavicāraḥ | tatra putrikāputrapraśaṃsā, yājñavalkyaḥ,— auraso dharmapatnījastatsamaḥ putrikāsutaḥ | putrikā eva putra iti veti vijñāneśvarā arthāntaramapyāhuḥ