Kalasara 15.p1

15.p1

yadvā,— tataḥ prabhṛti pitaraḥ piṇḍasaṃjñāṃ tu lebhire | iti mātsyokteḥ, piṇḍānāṃ pitṛṇāṃ anvāhāryyaṃ māsikatṛptijanakamiti anvāhāryyaṃ māsike dūti kośāt | ayasarthaḥ,– sāgniniragnikasādhāraṇaḥ piṇḍānāṃ manuktānugataśceti samīcīnaḥ| candrakṣaye candrakṣayopalakṣitakāle śramāvāsyāyāmityarthaḥ | tathā ca śrutiḥ,–“tadetadeṣa vai somo rājā yaccandramāḥ sa ^etāṃ^ [virājaṃ?] rātriṃ kṣīyate tatkṣīṇe devānāmanne pitṛbhyodadāti” iti | śrutyantaraṃ ca,– “māsi māsike'śana”miti(1) | saṃviśeṣaṃ chandogapariśiṣṭe | kātyāyano'pi,– piṇḍānvāhāryyakaṃ śrāddhaṃ kṣīṇe rājani śasyate | vāsarasya tṛtīyāṃśe nātisandhyāsamīpataḥ || rājani candre kṣīṇe atyantaṃ vinaṣṭe śramāvāsyāyāmityarthaḥ darśaśrāddhaṃ praśasyate | kiṃ dūtarapārvvaṇavadasyāpi kālo grāhyo netyāha,–