Kalasara 15.p12

15.p12

dṛśyamāne'pyekadā iti gobhilasūtraṃ | itthaṃ bhūtacaturddaśīviṣayatāṃ sphuṭayatīti sa evāha | yacoktaṃ dṛśyamāne'pi taccaturddaśyapecayā | nanu tarhi śramāvāsyā pratīkṣaṇīyā na vā ? ityāśaṅkāyāṃ sa evāha,— amāvāsyāṃ pratīceta tadante vāpi nirvapet | tadante caturddaśīśeṣe nirvapet śrāddhaṃ kuryyāt | iti | nanu amāvāsyāyāṃ candracayo bhavati, tatkathaṃ caturddaśīśeṣa ityapyucyata ityāśaṅkya candracayakālamāha,— aṣṭame'ṃśe caturddaśyāḥ cīṇo bhavati candramāḥ | amāvāsyāṣṭamāṃśe ca tataḥ kila bhavedaṇuḥ || caturddaśyaṣṭamayāmamārabhya śramāvāsyāsaptamayāmānte sampūrṇaḥ cayaḥ | tato'māvāsyāṣṭamayāme candrotpatterārambhaḥ ityarthaḥ | kileti āgamavārttāyāṃ | evaṃ daśasu amāvāsyāsu vyavasthāmuktā mārgaśīrṣajyeṣṭhāmāvāsyayorviśeṣaṃ sa evāha,— āgrahāyaṇyamāvāsyā tathā jyeṣṭhasya yā bhavet | viśeṣamābhyāṃ bruvate candracāravido janāḥ || ābhyāmiti lyablope pañcamī | dūme śramāvāsye prāpya ityarthaḥ | candracāravido jyotirvidaḥ atra śuklapratipadādimāsāśrayaṇena mārgaśīrṣapaurṇamāsyuttarajyaiṣṭhapaurṇamāsyuttarāmāvāsye grāhye | sarvagranthakāralikhanādācārācca | atra viśeṣaṃ sa evāha,— acendurādye prahare'vatiṣṭhate caturthabhāgo na kalāvaśiṣṭaḥ | tadanta eva cayameti kṛtsnamevaṃ jyotiścakravido vadanti || yasminnabde dvādaśaikaśca yavyaḥ tasmiṃstṛtīyāparidṛśyo nopajāyate | evaṃ cāraṃ candramaso viditvā cīṇe tasminnaparāhe ca dadyāt