Kalasara 15.p28

15.p28

yāgakālasvarūpamāha vṛddhaśātātapaḥ,pārvaṇo yaścaturthāṃśa ādyāḥ pratipadastrayaḥ | yāgakālaḥ sa vijñeyaḥ prātaryukto manīṣibhiḥ || tatra,- na yaṣṭavyaṃ caturthāṃśe yāgaiḥ pratipadaḥ kvacit | rakṣāṃsi tadvilumpanti śrutireṣā sanātanī || dūti kātyāyanokteḥ caturthāṃśasya duṣṭatve'pi,sandhiryadyaparāhne syāt yāgaḥ prātaḥ pare'hani | kurvāṇaḥ pratipadbhāge caturthe'pi na duṣyati || iti vṛddhaśātātapokteḥ, caturthabhāge'pyadoṣaḥ | kurvāṇaḥ pratipadbhāge dūti yaduktaṃ, tat mārgaśīrṣajyaiṣṭhapūrṇimottaradarśayoḥ, kṣīyamāṇapakṣe'pi pratipadi sarvadarśeṣu, varddhamānapakṣe'pi pratipadi sarvadarśeṣu, kadācit samāpakṣe'piveti bodhyam| sarvatra kṣīyamāṇapakṣe viśeṣo yathā, yadā candrakṣayānurodhena caturddaśyāṃ śrāddhaṃ, tadā yadi amāvāsyāyāṃ parvacaturthāṃśapratipadādyaṃśatrayarūpayāgakālo na labhyate, tadā parvadvatīyāṃśe'pi yāgaḥ kāryyaḥ