Kalasara 16.p4

Kālasāra 16.p4

Language: Sanskrit

16.p4

pitṛdānāya mūle syuraṣṭakāstisra eva ca | kṛṣṇapakṣe variṣṭhā hi pūrvā caindrīti bhāṣyate || prājāpatyā dvitīyā syāt tṛtīyā vaiśvadaidikī | ādyā pūpaiḥ sadā kāryyā māṃsairanyā bhavettathā || śākaiḥ kāryyā tṛtīyā syādeṣa dravyagato vidhiḥ | aṣṭakā hi pitṝṇāṃ vai nityameva vidhīyate || yā cāpyanyā caturthī syāttāṃ ca kuryyāt viśeṣataḥ | tāsu śrāddhaṃ budhaḥ kuryyāt sarvvaseneāpi nityaśaḥ || nityaṃ prāpnoti śreyāṃsi paraceha ca modate | pitaraḥ parvakāleṣu tithikāleṣu devatāḥ || sarve gṛhasthamāyānti nipānamiva dhenavaḥ | yasya te pratigaccheyuraṣṭakāsu hyapūjitāḥ | moghāstasya bhavantyāśāḥ paraceha ca nityaśaḥ

Previous: 16.p3
Next: 16.p5
Up: 16

Linked texts (3)

Critical edition (BORI) — Sanskrit
Gadādharapaddhati — Gadādhara Rājaguru 1725, Sanskrit
Kālasāra — Gadādhara (Pāraskara commentator), Sanskrit