Kalasara 17.p1

17.p1

vṛddhamanuḥ,– nabhasyasyāparaḥ pakṣo yatra kanyāṃ vrajedraviḥ | sa mahālayasaṃjñaḥ syāt gajacchāyāhvayastathā || tacca nityaṃ kāmyañca | tatra śrāddhākaraṇe doṣamāha, gārgyaḥ,– sūrye kanyāgate śrāddhaṃ yo na kuryāt gṛhāśramī | dhanaṃ putrāḥ kutastasya pitṛniḥśvāsapīḍayā || śākhyāyaniḥ phalāśravaṇamāha,– nabhasyasyāpare pakṣe tithiśoḍaśakaṃ ca yat | kanyāgatānvitaṃ cetsyāt sa kālaḥ śrāddhakarmasu || lagne vā yadi vā madhye yatra kanyāṃ ravirvrajet | sa pakṣaḥ sakalaḥ puṇyastatra śrāddhaṃ vidhīyate || tathāca,– puṇyaḥ kanyāgataḥ sūryyaḥ puṇyaḥ pakṣaśca pañcamaḥ | kanyāsthārkānvitaḥ pakṣaḥ so'tyantaṃ puṇya ucyate || vṛddhamanuḥ,– āṣār̤hīmavadhiṃ kṛtvā pañcamaṃ pañcamāśritāḥ | kāṅkṣanti pitaraḥ kliṣṭā aśmamanvahaṃ jalam || tasmāttacaiva dātavyaṃ dattamamyatra niṣphalam