Kalasara 17.p12

17.p12

sarvvatra pakṣapadānuṣaṅgaṃ vinā'nvayāt pakṣasyaivānantaranirddiṣṭatvaṃ | arddhatve punaḥ pakṣasya tribhāgasya ca arddhatvānvayaucityādupakramānurodhena tribhāgānvaye'pi māsādyavacchedāya pakṣabhāgānvayena pakṣopasthiteḥ pakṣasyaiva sannidhānam | pañcamyādyaṣṭamyādipakṣau gautamādibhirvyaktamuktau ca | etena śrāddhavivekakṛdbhiryallikhitaṃ, tat sarvvaṃ pūtikūṣmāṇḍāyitamiti mantavyam || taiḥ punaryallikhitaṃ kṛṣṇapakṣasya pañcadaśatithyātmakasya vibhājyatvāt dine dine dūti vīpsayā pañcaśrāddhapakṣaḥ | tataḥ pañcadaśaśrāddhāni iti| evaṃ tithiśrāse ekasminneva dine śrāddhayogyatithikṣayalābhe śrāddhadvayamiti jñeyamevaitat | “naikaḥ śrāddhadvayaṃ kuryāt” iti vākyādeva ekadine samānajātīyasya śrāddhāntarasya niṣedhāt | uktapakṣacatuṣṭayāśaktau pañcamyā ūrddhaṃ janmanacatrādivarjite kasmiṃścit ekasmin dine śrāddhaṃ kāryyam, | tathā ca skānde nāgarakhaṇḍe,āṣāḍhyāḥ pañcame pakṣe kanyāsaṃsthe divākare | ekasminnapyahorātre tataḥ śrāddhaṃ karoti yaḥ || tasya saṃvatsaraṃ yāvattṛptāḥ syuḥ pitaro dhruvam | pañcamyā ūrddhamityatra bhaviṣye,haṃse varṣāsu kanyāsthe śākenāpi gṛhe vasan | pañcamyā uttare dadyādubhayorvaṃśayorṛṇam || pitṛmātāmahayoḥ kulayoḥ ṛṇamiva ṛṇamityavaśaṃ śodhyamityarthaḥ | tacaikadinapace varjyamāha gārgyaḥ,-