Kalasara 17.p22

17.p22

iti smṛtisamuccayokteśca, putriṇā varṣātrayodaśyāṃ piṇḍarahitaṃ śrāddhameva(1) kāryyam | āhitāgneḥ pitrarccanam, “piṇḍaireva brāhmaṇānapi bhojayet” iti kātyāyanavacanaṃ piṇḍapitṛyajñaparamiti tairapi yugādivat piṇḍarahitaṃ śrāddhaṃ kāryyameva | jyeṣṭhaḥ prathamotpanna iti prācīnāḥ | vidyamānaputrāṇāṃ jyeṣṭha iti madanapārijātādayaḥ | kṛṣṇapakṣe trayodaśyāṃ śrāddhaṃ yaḥ kurute naraḥ | pañcatvaṃ tasya jānīyāt jyeṣṭhaputrasya niścitam || ityaṅgirovacanena | maghāsu kurvvatastasya jyeṣṭhaputro vinaśyati | iti vacanena ca śrāddhaniṣedhaḥ piṇḍadānaniṣedhapara eva | pūrvoktavacanāt, kevalamaghāyāṃ kevalatrayodaśyāṃ ca śrāddhavidhānācca | tathāca vāyavīye,– maghāsu kurvvan śrāddhāni sarvvān kāmānavāpnuyāt | pratyakṣamarccitāstena bhavanti pitarastathā || maghānakṣatrasya pitṛdaivatatvāt pratyakṣamityuktaṃ | viṣṇudharmottare,— prauṣṭhapadyāmatītāyāṃ tathā kṛṣṇatrayodaśī | etāṃstu śrāddhakālān vai nityānāha prajāpatiḥ || iti | tatra yadgauḍaistathitattvakāraiḥ kevalamaghāyāṃ kevalatrayodaśyāṃ ca śrāddhavidhāyakavacanaṃ vidhyantarakalpanāgauravāt śravayutyānuvādaityuktam | tanna ruciram | nityaśabdopādānānupapatteḥ | śramāvāsyā