Kalasara 17.p35

17.p35

athanavānnaśrāddham | tacca nityaṃ | tathāca śātātapaḥ,– navodake navātre ca gṛhacchādana eva ca | pitaraḥ spṛhayantyannamaṣṭakāsu maghāsu ca || tasmāddadyāt sadā yukto vidvatsu brāhmaṇepu ca || iti sadāśabdaprayogāt | navodake varṣāpakrame | anyatra doṣoktirapi,– brīhipāke ca karttavyaṃ yavapāke ca pārthiva | na tāvādyau mahārāja vinā śrāddhaṃ kathañcanana || tathāhi brīhipākakāle vṛścike, yavapākakāle meṣe ca navānnāśanāhaiṃ yasmin kasmiṃściddivase navānnaśrāddhadvayam| atrāsmaddeśe yavagodhūmayoḥ sarvvaca pracārābhāvāt kecit yavānnaśrāddhaṃ na kurvvanti | tatra navānnatithyādi, jyotiḥśāstre,– bheṣūṇāṅghritrivāndheṣu vibhaumaśanivāsare | śastaprāgrabhavat kuryyāt navānnaphalabhakṣaṇam || navānnaṃ naiva mandāyāṃ na ca supte janārddane | na kṛṣṇapakṣe dhanuṣi na tulāyāṃ kadācana