Kalasara 18.p104

18.p104

ulapaḥ kuśasadṛśaḥ tṛṇaviśeṣaḥ | lambāḥ uktapramāṇādadhikāḥ | hārītaḥ | śvobhūte dakṣiṇāṃ diśaṃ gatvā dakṣiṇāgrāyatān samūlān darbhān āharet | āpastambaḥ, - samūlastu bhaveddarbhaḥ pitṝṇāṃ śrāddhakarmaṇi | mūlena lokān jayati śakrasya ca mahātmanaḥ || brāhma,- gokarṇadīrghāya kuśāḥ sadyaśchinnāḥ samūlakāḥ | pitṛtīrthena deyāśca durvāḥ śyāmalamecakāḥ || kāśāḥ kuśā valvajāśca tathā ye tīkṣṇaśūkakāḥ | mauñjalaṃ(1) śādvalañcaiva ṣaḍdarbhāḥ parikīrttitāḥ || śrāddhe varjyāḥ prayatnena hyanūpāḥ sagavedhukāḥ || dūrvvādyāḥ kuśābhāve pratinidhitvenoktāḥ | tathāca gobhilaḥ,teṣāmabhāve śūkatṛṇaśaraṇairṣavalbajasutavanala(2) guṣṭhavarjaṃ sarvvatṛṇāni śūkatṛṇaṃ śūkayuktadhānyatṛṇaṃ | śaurṣasutavaṇavā jātiviśeṣāstattaddeśaprasiddhāḥ | piñjalaṃ pavitram tatsamāḥ prādeśamātrāḥ samā iti yāvat | samāhitāḥ nirdoṣāḥ