Kalasara 18.p106

18.p106

atha śrāddhe arghādipātrāṇi | brāhme,— asrabhāṇḍāni varjyāṇi pitṛdaivatakarmaṇi | suvarṇatāmraraupyāśmasphāṭikaśaṅkhaśuktayaḥ || bhinnānyapi hi yojyāni pātrāṇi pitṛkarmaṇi | pṛthivī pitṛbhirdugdhā pātre raupyamaye purā || svadhāmṛtañca tasmāttattebhyaḥ priyataraṃ sadā | raupyapātre'rghapādyādi(1) tasmāt (2)sūkṣmo'pi kārayet || datvā hemamaye pātre bhagavān syāt sa mānavaḥ | datvā ratnamaye pātre sarvaratnādhipo bhavet || palāśe brahmavarccasvī āśvatthe rājyamāpnuyāt | pātre caudumbare datvā sarvvabhūtādhipo bhavet || datvā nyagrodhapātre tu prajāṃ puṣṭiṃ śriyaṃ labhet | raktokṣe kāśmarīpātre datvā puṣṭaṃ labheta saḥ || saubhāgyaṃ vātha vādhūke phalupātre ca sampadam | śvetārkamandāramaye datvā ca matimān bhavet || vilvapātre dhanaṃ buddhiṃ dīrghamāyuravāpnuyāt | atha padmapuṭe datvā munīnāṃ vallabho bhavet | sikte madhughṛtābhyāṃ ca yathāsambhavameva vā