Kalasara 18.p137

18.p137

prasiddhāvityaktavān | māṣaniṣedho'tra gauramāṣaparaḥ kṛṣṇamāṣāṇāṃ deyatvenoktatvāt | viṣṇuḥ,- pippalī sumukhabhūsṛṇāsurīsarṣapasurasakuṣmāṇḍālābuvārttākīpālaṅkayātaṇḍulīyakakusumbhapiṇḍamūlakamahiṣīcīrāṇi varjayet | rājamāṣamasūraparyyuṣitakṛtalavaṇāni ca | āsurīsarṣapo rājasarṣapaḥ | surasaṃ tulasīśākam | mahābhārate,aśrāddheyāni dhānyāni kodravāḥ pulakāstathā | hiṅgudravyeṣu sarveṣu alāvu lasunaṃ tathā || palāṇḍuśobhāñjanakau tathā gṛñjanakādayaḥ | khukhuṇḍakāmbalāvūni(1) kṛṣṇaṃ lavaṇameva ca || grāmyaṃ varāhamāṃsaṃ yat yaccaivāprokṣitaṃ(2) bhavet | kṛṣṇājīnī vir̤aṅgaiva gautapālī tathaiva ca || aṅkurārthāstathā varjyā iha śṛṅgāṭakāni ca | varjayellavaṇaṃ sarvvaṃ tathā jambūphalāni ca || avakṣutañca ruditaṃ tathā śrāddheṣu varjayet | atra hiṅgorniṣedhaḥ svarūpeṇa dīyamānasya | dravyāntarasaṃskārakatvena tasya pūrvvaṃ vihitatvāt | gṛñjanaṃ gājara iti paścimadeśaprasiddhamūlabhedaḥ | khukhuṇḍakāni kacākasamānaprakṛtikadravyāṇi piṇḍopamāni | kṛṣṇalavaṇaṃ suvarcalā | kṛṣṇā(3)jīnī kṛṣṇajīrakaṃ | gautapālī kākajaṅghā | sarvvaśabdopādānāt saindhavalavaṇasāmudralavaṇayorhaviṣyayo-