Kalasara 18.p143

18.p143

sarpirmāsamiti prathamaḥ kalpaḥ, abhāve tailaṃ śākamiti | maghāsu cādhikaṃ śrāddhakalpena sarpiḥ brāhmaṇān bhojayet | māsikaśrāddhe tilānāṃ droṇaṃ yenopāyena śaknuyāt tena bhojayet | samuditān sambhojayet | asyārthaḥ, naiyamikaṃ amāvāsyādi śrāddhaṃ | tat snehaṃ vinā na dadyāt | adhikaṃ sarpirbrāhmaṇān bhojayet śrāddhakalpenetyanvayaḥ | śrāddhe vaikalpikamapi tailaṃ na deyamiti tātparthyaṃ | tilānāṃ droṇamupayojayediti brāhmaṇabhūyastvapakṣe | yenopāyena śaknuyāditi modakādiprakāreṇa samuditān guṇavata iti | brāhme,–uṣṇānnaṃ paridagdhañca tathaivāgrāvalohitam | śarkaraukīṭapāṣāṇaiḥ keśairyyaccāpyupadrutam || piṇyāka(1)mathitañcaiva tathātilavaṇañca yat | siddhāḥ kṛtāśca ye bhakṣyāḥ pratyacaṃ lavaṇīkṛtāḥ || vāgduṣṭā bhāvaduṣṭāśca . duṣṭaiścopahatāstathā | vāsasā vā'vadhūtāni varjyāṇi śrāddhakarmaṇi || uṣṇānnamityatra atyuṣṇānnamityarthaḥ | uṣṇānnadānasya bahuvākyeṣūktatvāt | śītalānnadānasya vakṣyamāṇaniṣedhācca | agrāvalohitaṃ (2)upayuktāgrabhāgaṃ | siddhāḥ kṛtā ityāderarthaḥ, yeṣu siddheṣu uttarakālaṃ pratyacalavaṇaprakṣepaḥ kṛtaḥ | mārkaṇḍeyapurāṇe,– bhakṣyānnāni karambhaśca dṛṣakā ghṛtapūrakāḥ | jhajharaṃ dadhi sarpiṃśca payaḥ pāyasameva ca