Kalasara 18.p161

18.p161

haranti rākṣasāstasya bhuñjāno'nnaṃ ca sundari | yamaḥ, - yastu pāṇitale bhuṅkte yaḥ savāyuṃ tathāśrute | na tasya pitaro'śnanti yaścaivānne praśaṃsati || śrāddhe niyukto bhuñjāno na pṛcchedvalavaṇādiṣu | ucchiṣṭāḥ pitaro yānti pṛcchato nātra saṃśayaḥ || dātṛśca patate bāūrjihvā 'bhoktuśca bhidyate | savāyuṃ phutkārasahitaṃ | viṣṇuḥ,-aśnīyu brāhmaṇāśca vāgyatāḥ na veṣṭitaśiraso na sopānatkāḥ na pīṭhopahitapāṇayaḥ | manuśātātapau,yadveṣṭitaśirā bhuṅkte yadbhuṅkte dakṣiṇamukhaḥ | sopānatkaśca yadbhuṅkte tadvai rakṣāṃsi bhuñjate || devalaḥ, - yo'prasannamanā bhuṅkte sopānatko'pi vā punaḥ | pralāpaśīlaḥ kruddho vā sa vipraḥ pitṛdūṣakaḥ || prahasannapi yo bhuṅkte sa ca nāpyāyate pitṝn | yo veṣṭitaśirā bhuṅkte yo vā bhuṅkte vigarhitam || yamaḥ, - yadveṣṭitaśirā bhuṅkte yadbhuṅkte vṛṣalīpatiḥ | sopānatkaśca yadbhuṅkte yattu dattaṃ tiraskṛtam || tatsrvaṃ dānavendrāya brahmābhāgamakalpayat | uddhṛtya pāṇiṃ vihasansakrodhaviṣayānvitaḥ || śrāddhakāleṣu yadbhuṅkte na tat prīṇāti vai pitṝn | āsuraṃ vismayānna syāt krodhānnaṃ rākṣasaṃ viduḥ || asatkṛtamaṃvijñātaṃ paiśācaṃ paricakṣate