Kalasara 18.p178

18.p178

nanu yateḥ prāyaścittādhikārābhāvāt tadbrāhmaṇakaśrāddhe phalādhikyācca tathā nirṇītaṃ | kṛtanityamāṃsavarjanena gṛhasthena tu bhakṣaṇasya kratvarthatvāt bhakṣaṇanivṛttiniyamasya puruṣārthatvāt prāpyeta vā yajñārthatvāt iti nyāyena bhakṣayitvā paścāt prāyaścittaṃ kāryyam, yathā satre dīkṣitānāmeva ṛtvijāṃ pṛṣṭhyaṣaḍahasamāptau saṃsthite pṛṣṭhyaṣaḍahe madhvāśayet iti karmāṅgaṃ madhu aśitvā paścāt prāyaścittaṃ tadvaditi cet na | bhakṣayet prokṣitaṃ māṃsaṃ sakṛdbrāhmaṇakāmyayā | daive niyuktaḥ śrāddhe vā niyame tu vivarjayet || iti yamoktervarjanīyameva māṃsam | varjanadoṣasya laniyamaparatvāt madhumāṃsayoḥ phalasambandhena vihitatvāt | haviṣyānnena vai māsaṃ pāyasena tu vatsaram | iti yogiyājñavalkyokteḥ kāṃsyabhojinyāyena māṃsarahitaśrāddhasyāpyaṅgīkaraṇāt | śālagrāmaśilābrāhmaṇakaśrāddhe tu māṃsaṃ deyamiti kecidvadanti | yuktiṃ cāhuḥ | sālagrāmaśilācakrasya bhakṣaṇaprasaṅgābhāvāt viṣṇave matsyā na deyā iti vākyābhāvācca iti, tadasmabhyaṃ na rocate bhakṣaṇābhāvāditi yaduktaṃ sa hetuḥ pūjāyāmapi vaktavyaḥ syāt | tathāpi tairyaduktaṃ śilācakrasyāhavanīyavat pratipattisthānīyatvaṃ na devatvamiti tadapi na sāram, śrāddhasya yāgatyamuktā brāhmaṇāstvāhavanīyasthānīyā iti tairevoktam | tathā ca sati yatibrahmacāribrāṣṭrāṇaka śrāddhe tayorapi pratipattisthānatvena sanyāsitvādyabhāvāt māṃsadānaṃ prasaktaṃ, kimiti tairaṅgīkṛtam | kiñca aṃsanmate śrāddhasya naiva yāgarūpatvamityuktaṃ | vākyābhāvāditi yo heturdattaḥ so'pi nādaraṇīyaḥ | brahmaviṣṇuśivānāñca kalau māṃsena cārcanam | rājñaḥ śriyaṃ kulaṃ hanti tasmāt tatparivarjayet || evaṃ yatyādibrāhmaṇaka śrāddha dūva śālagrāmaśilācakra brāhmaṇakaśrāddhe gayādhikaphaloktamāṃsābhāve doṣānukteśca phalasambandhavihitamāṃsadānamanucitaṃ ityasmākaṃ siddhāntaḥ | kattuḥ pakvamāṃsāśanādikaṃ pratipattikarmāvasareṇa (1) lekhyaṃ ||0