Kalasara 20.p42

20.p42

tasmin kāle tu rājendra gantavyaṃ puruṣottamam | sāgare vidhivat snātvā dṛṣṭvā nārāyaṇaṃ prabhum || koṭijanmājjitaṃ pāpaṃ nāśayet tatkṣaṇādbhavam | snānaṃ dānaṃ tathā japyamakṣayyaphalabhāgbhavet || vyatīpātayogaḥ, skānde;— māgha inducaye pāte vāre'rke śravaṇaṃ yadi | arddhodayaḥ sa vijñeyaḥ koṭisūryyagrahaiḥ(1) samaḥ || divaiva yogaḥ śasto'yaṃ na tu rātrau ṣaḍānana | nānyaḥ puṇyatamaḥ kālo yo'rddhodayasamo bhavet || tāvat garjanti pāpāni suvahvani mahāntyapi | yāvadarddhodyo'bhyeti sarvapāpapraṇāśanaḥ || adatvā laṅgito yena prākṛtābhyudayasya hi | aḍū haratyataḥ prāṅgarrddhodayamimaṃ budhāḥ || arddhodaye ca saṃprāpte munidevagaṇarcite | pāpāndhakārānmucyante bhaveyurvimalā narāḥ || arddhodaye mahāpuṇye sarvaṃ gaṅgāsamaṃ jalam | yatkiñcit kurute dānaṃ taddānaṃ merusanmitam || ityādi | pāto vyatīpātaḥ | vidhirasmatkṛtavratasāre draṣṭavyaḥ | atha bhadrāṣṭamīyogaḥ | śatānandasaṅgrahe, — pauṣe māsi yadā vipra śuklāṣṭamyāṃ budho bhavet