Kalasara 20.p64
Kālasāra 20.p64
- Language
- Sanskrit
20.p64
atra prācīnagauḍaiḥ, – snānaṃ kurvvanti yā bhāryyāścandre śatabhiṣāṅgate | saptajanma bhaveyustā vidhavā durbhagā dhruvam || trayodaśyāṃ tṛtīyāyāṃ daśamyāñca viśeṣataḥ | śūdraviṭkṣatriyāḥ snānaṃ nācareyuḥ kathañcana || iti pracetojābālivākyābhyāṃ strīśūdrāṇāṃ vāruṇādau snānaṃ niṣiddhaṃ, strīṇāṃ tu mahādoṣaśravaṇādakaraṇe pratyavāyābhāvāccetyuktam tanna | tādṛśavākyānāṃ yādṛcchikasnānaparatvāt, kevalamantrajapaparatvācceti siddhānta ityeke | atra yatthititattvakāraiḥ rātrāvapi vāruṇādisnānam | divārātrau ca gaṅgāyāṃ sandhyāyāñca viśeṣataḥ | snātvāśvamedhajaṃ puṇyaṃ gṛhe'pyuddhṛtatajjalaiḥ || iti brahmāṇḍapurāṇe | gandharvvavākyañca, – ato rātrau prāpnuvato jalaṃ brahmāvido janāḥ | garhayanti janān sarvvān vanasthānkṛpatīnapi || athārjunasya prativākyam, – samudre himavatpārśve nadyāmasyāṃ ca durmate | rātrāva'hani sandhyāyāṃ kasya guptaḥ parigrahaḥ || asambādhā devanadī svargasampādinī tathā | kathamicchasi(1) tāṃ roddhuṃ naiṣa dharmaḥ sanātanaḥ
Linked texts (3)
- Śuddhikaumudī (Govindānanda Kavikaṅkaṇācārya) — Govindānanda Kavikaṅkaṇācārya 1510, Sanskrit
- Kālasāra — Gadādhara (Pāraskara commentator), Sanskrit
- Kriyākaumudī (Govindānanda) — Govindānanda 1500, Sanskrit