Kalasara 3.p1

3.p1

lekhyāḥ || tatra śrībhuvaneśvarakṣetre nivāsaphalaṃ śivapurāṇe,cāturmāsyaṃ narastatra kṛtvā śivaparāyaṇaḥ | rājasūyasahasrasya phalaṃ prāpnoti nānyathā || tatra .ekāmrakṣetre śrīpuruṣottamakṣetre| tatra nivāsaphalaṃ brāhme,vārṣikāṃścaturo māsān yastiṣṭhet puruṣottame | vihāya sarvvapāpāni viṣṇulokaṃ sa gacchati || pṛthivyāṃ yāni tīrthāni cettrāṇyāyatanāni ca | tiṣṭhanti caturo māsān kṣetre śrīpuruṣottame || puṣkariṇyāñca nadyāñca vāṣyāṃ kūpe saritsu ca | tiṣṭhanti sarvvatīrthāni śayanotthāpane hareḥ || skānde,-kāśyāṃ bahuyuge vāsānniyamavratasaṃsthiteḥ | phalaṃ yaduktaṃ tadvidyāt cettre śrīpuruṣottame || cāturmāsye nivasatiḥ cettre śrīpuruṣottame | sākṣāt dṛṣṭirbhagavatastaddvayaṃ mokṣasādhanam || dine dine mahāpuṇyaṃ sarvvacettranivāsajam || ityādi bahuphalāni vistarabhayānna likhitāni || yatīnāṃ tu ekasthānāvasthānādicāturmāsyadharmmāḥ śrāvaṇādimāsadbaya eva | ūrddhaṃ vārṣikābhyāṃ māsābhyāṃ naikasthānavāsaḥ syāditi taddharmeṣu śaṅkhanokteḥ || ekarātraṃ vasedgrāme nagare pañcarātrakam | varṣābhyo'nyatra varṣāṣu māsāṃśca caturo vaset || iti kākaṭahyāmatyantāśaktaviṣayam