Kalasara 3.p7

3.p7

brahmāṇḍe,— māghe pratidinaṃ prātaḥsnānāśaktau tu parvvaṇi | snātavyaṃ yatnato dhorairavaśyaṃ devapūjanam || ādye cānte ca madhye ca tryahaṃ ca snānamācaret | balavān puruṣo nityaṃ bālavṛddhā turairvinā || nāradīye, māghaprātaḥsnāne jaloktiḥ, - punīmaḥ sarvapāpāni trividhāni na saṃśayaḥ || tathā, - māghamāse varārohe śastaṃ vai nimnagājalam | tadabhāve tu sa snāyāt kūpe bhāṇḍāśrite tathā || tathā, - saritāmapyabhāve tu navakumbhasthitaṃ jalam | vāyunā tār̤itaṃ rātrau gaṅgāsnānasamaṃ viduḥ || tathā, - na vahniṃ se nayet snāto nāsnāto vā varānane | homārdhaṃ se nayedvahniṃ na śītārthaṃ kadāṃcana || śaive, - māghamāse naro yastu snāyāt śītena vāriṇā | sa yāti brahmaṇaḥ sadma brahmahatyāyuto'pi san || yathātiśītalaṃ toyaṃ puṇyaṃ tatrādhikaṃ bhavet || atyantāśaktau tu pādme, - taptena vāriṇā snānaṃ yadgṛhe kriyate naraiḥ | ṣaḍabdaphaladaṃ taddhi makarasthe divākare