Kalasara 4.p2

4.p2

divākara jagannātha prabhākara namo'stu te | paripūrṇaṃ kuruṣvedaṃ māghasnānaṃ mamācyuta || imaṃ mantraṃ sarve paṭhanti || pādme tu,– makarasthe ravau māghe govindācyuta mādhava | snānenānena deveśa yathoktaphalado bhava || yathā nārāyaṇaḥ sūryyo yathā nārāyaṇo jalam | yathā nārāyaṇo māgha stathā pāpaṃ vinaśyatu || iti mantrāntaraṃ tadapi paṭhanti || māghasnānaṃ prayāge'dhikaphalam | mahābhārate,– sitāsite ca yaiḥ snātaṃ māghamāse yudhiṣṭhira | na teṣāṃ punarāvṛttiḥ kalpakoṭiśatairapi || mātsye,– ṣaṣṭitīrthasahasrāṇi ṣaṣṭitīrthaśatāni ca | māghamāse gamiṣyanti gaṅgāyamunasaṅgame || gavāṃ śatasahasrasya samyagdattasya yat phalam | prayāge māghamāsasya tryahaṃ snātasya tat phalam || māghasnānamantre strīśūdrayorapyadhikāraḥ paurāṇikatvāditi pūrvamuktam