Kalasara 5.p10

5.p10

tatropavāsaikabhakte naktaṃ yācitaṃ vrataṃ | dānaṃ cādhyayanaṃ saptavidhaṃ daivakramaṃ brūve || upavāsaśabdārtho viṣṇudharme,– upāvṛttastu pāpebhyo yastu vāso guṇaiḥ sahaḥ| upavāsaḥ sa vijñeyaḥ sarvvaca bhogavarjitaḥ || tatropavāsaḥ sarvvatithiṣu vihitaḥ | nāradīye,– śuklām vā yadi vā kṛṣṇā m pratipatprabhṛtīn tithaum | upoṣvaiva valiṃ datvā vidhinā hyapare'hani || brāhmaṇān bhojayitvā tu sarvapāpaiḥ pramucyate | ityupavāsasyāhorātrasādhyatvāt sampūrṇāvyāpinyāṃ na sandehaḥ| tadasambhave trisandhyāvyāpinyām| tadasambhave khaṇḍatithau| tatra vākyāmyudāhṛtāni| tatra śuklapace amāvāsyāviddhā pratipaduoṣyā| tathāpyaparāṅgavyāpinī mukhyā| tadasambhave sāyāṅgavyāpinī grāhyā| na tu udayatrimuhūrttavyāpinī| tathā ca vyāsaḥ, - pratipatsaiva vijñeyā yā bhavedāparāhikī| daivaṃ karma tathā jñeyaṃ pitryaṃ vā manurabravīt || paiṭhīnaṣiḥ, - pañcamī saptamī caiva daśamī ca trayodaśī| pratipannavamī caiva karttavyā sammukhī tithiḥ || sammukhīlakṣaṇaṃ skānde, - sammukhī nāma sāyāṅgavyāpinī dṛśyate yadā| pratipatsammukhī kāryā yā bhavedāparāhikī || nigamokkirapi, - yugmāgniyugabhūtānāṃ ṣaṇmunyorvasurandhrayoḥ | rudreṇa dvādaśī yuktā caturdaśyā ca pūrṇimā || pratipadyapyamāvāsyā tithyoryugmaṃ mahāphalam | etadvyastaṃ mahāghoraṃ hanti puṇyaṃ purā kṛtam || yugmaṃ dvitīyā| agnisṛtīyā| yugaṃ caturthī| bhūtaṃ pañcamī| ṣaṭ ṣaṣṭhī| muniḥ saptamī| vasuḥ aṣṭamī| randhraṃ navamī| rudraḥ ekādaśī| atra dvitīyādisaptayugmeṣu pūrvatithiḥ uttaraviddhā grāhyā| uttarā tu pūrvaviddhetyarthaḥ | dvitīyātṛtīyayoryugmaṃ melanaṃ mahāphalam| tattattithinimittake karmaṇīti śeṣaḥ | etadvyastaṃ