Kalasara 5.p100

5.p100

nanu pāraṇaṃ divā tatrāpi pūrvāhna dūti pūrvvamuktam | yadā tu pūrvvadyurarddharācamārabhya tithinakṣatrayoḥ pravṛttiḥ paradine rātripraharaparyyantaṃ vyāptistadā kathamiti cet, ucyate | tadā rātrāvapi pāraṇam | tithyṛkṣayo ryadā cchedo nakṣacāntastathāpi vā | arddharātre'pi vā kuryyāt pāraṇaṃ tvapare'hani || dūti pratiprasavasmṛteḥ | apiśabdāddivāpūrvāhnayoḥ kaimutikanyāyena prāptyabhāva eva | atyantāśaktasya tu gārur̤e | jayantyāṃ pūrvvaviddhāyā mupavāsaṃ samācaret | tithyante cotsavānte vā vratī kuryyāttu pāraṇam || dūti | tathāca pareṣuḥ prātaḥ śrīkṛṣṇapūjāpūrvvakaṃ vrataṃ samāpya vratarūpotsavānte pāraṇam | evaṃ tithyṛkṣayorubhayorante pāraṇaṃ mukhyaḥ kalpaḥ | ekatarānto'nukalpaḥ | utsavānte pāraṇamapraśastamiti bodhyam || yāḥ kāścittithayaḥ proktāḥ puṇyā nakṣatrasaṃyutāḥ | ṛkṣānte pāraṇaṃ kuryyādvinā śravaṇarohiṇīm || dūti smṛternaca rohiṇyantāpekṣeti cet, na | aṣṭamyāmatha rohiṇyāṃ na kuryyāt pāraṇaṃ kvacit | anyat purākṛtaṃ karma upavāsārjitaṃ phalam || tithirāṣṭaguṇaṃ hanti nakṣatraṃ ca caturguṇam | tasmāt prayatnataḥ kuryyāt . tithikṣānte ca pāraṇam || dūti brahmavaivarttokteḥ | vinā śravaṇarohiṇīmiti tu nakṣatropavāsaviṣayam | upadravādivaśāt pāraṇāyā asambhave jalapāraṇaṃ kāryyam | sandhyādikaṃ bhavennityaṃ pāraṇaṃ tu nimittataḥ | adbhistu pārayitvātha naityakānte śucirbhavet