Kalasara 5.p119

5.p119

acāṣṭamyāṃ bhadrakālī dakṣayajñavināśinī | prādurbhūtā mahāghorā yoginīkoṭibhiḥ saha | tato'rthe pūjanīyā sā tasminnahani mānavaḥ | tathā brāhme tadanantaram, - upoṣitairvastradhūpamālyaiḥ ratnānulepanaiḥ | dīpai ratnaistathā bhakṣyaiḥ phalapuṣpaiśca dhānyakaiḥ || āmiṣairvividhaiḥ kvāpi homai brāhmaṇatarpaṇaiḥ | vilvapatraiḥ śrīphalaiśca candanena ghṛtena ca || paśubhiḥ pāyasaiścaidyai rātrijāgaraṇena ca | durgāṣṭahe tu śastrāṇi(1) pūjitavyāni paṇḍitaiḥ || madyabhāṇḍāni citrāṇi kavacānyāyudhāni ca | rātrau ca śilpivijñāne tāni pūjyāni sarvvadā || bhagavatīpurāṇe pūrvvodāhṛtoktibhiḥ svāpavidhimuktvā, - mūlena pratibodhayedbhagavatīṃ caṇḍīṃ pracaṇḍākṛtim | aṣṭamyāmrupavāsasaṃyatadhiyā kṛtvā navamyāṃ valim || nānāpāśavamāṃsamajjarudhirai bhaktyā samārādhayet | nakṣatre śravaṇe tithiśca daśamīṃ samprāpya sampreṣayet || niśrāyāmaṣṭamīproktaṃ durgotsavaṃ tu kārayet | anyatra copavāsādyau navaviddhāṣṭamī bhavet