Kalasara 5.p15

5.p15

nanu, – yo yasya vihitaḥ kālaḥ karmaṇastadupakrame | tithiryyābhimatā sā tu kāryyā nopakramojjhitā || atra baudhāyanoktyā pūrvvaviddhāyāṃ śuklapratipadi pratipatpraveśa eva saṅkalpaḥ pratīyate | prātaḥ saṅkalpayet vidvānupavāsavratādikam | prātarāpūryya matimān kuryyānnaktavratādikam || nāparāhne na madhyāhne pitṛkālo hi tau smṛtau | • ityādi smṛtiṣu prātareva saṅkalpasya kāryyatvāt | tadubhayaṃ kathaṃ saṅgacchata iti ceducyate | tithivyāptiḥ dvividhā | jyotiḥśāstraprasiddhasvābhāvikī ekā | smṛtyuktasākalyāpādakavacanotpāditānyā ceti | tathā ca devalaḥ,yāṃ tithiṃ samanuprāpya udayaṃ yāti bhāskaraḥ | sā tithiḥ sakalā jñeyā snānadānajapādiṣu || tathā,- yāṃ tithiṃ samanuprāpya udayaṃ(1) yāti bhāskaraḥ | sā tithiḥ sakalā jñeyā dānādhyayanakarmasu || karmasviti bahuvacanāt nikhiladaivopavāsasaṅgrahaḥ(2) | saurapurāṇe,yāṃ prāpyāsamupaityarkaḥ sā cet syāttrimuhūrttagā | dharmakṛtyeṣu sarveṣu sampūrṇāṃ tāṃ vidurbudhāḥ || evaṃ ca viśeṣavacanābhāve trimuhūrttavyāptireva sākalyāpādikā| tathā sati, ādityodayavelāyāṃ yālpāpi hi tithirbhavet | sā pūrṇetyeva mantavyā prabhūtā nodayaṃ vinā || iti devaloktau | udaye yā tithirgrāhyā viparītā tu paitṛke | iti skāndoktau ca trimuhūrttavyāptireveti bodhyam || evaṃ ca sati sākalyāpādakavacanādasatyāmapi śuklapratipadi