Kalasara 5.p177
Kālasāra 5.p177
- Language
- Sanskrit
5.p177
narasiṃhacaturdaśī | śuklapakṣe caturdaśyāṃ māsi mādhavasaṃjñake | prādurbhūto nṛpañcāsyaḥ tasmāttāṃ samupoṣayet || anaṅgena samāyuktā na sopoṣyā caturdaśī | pūrṇāyuktāntu tāṃ kuryyānnarasiṃhasya tuṣṭaye || yaḥ karoti naro mohāt kāmaviddhāṃ caturdaśīm | dhanāpatyairviyujyeta tasmāttāṃ parivarjayet || caturdaśī na vartteta sāyaṅkāle dinadvaye | paraiva varttate vāpi karttavyā sā tadaiva tu || spṛṣṭotparadine cetsā sāyaṅkāle caturdaśī | karttavyā tvanyathā pūrvā narasiṃhapriyā tithiḥ || ityādivākyāt paradine sāyaṅkāle caturdaśīsaṃsargābhāva eva pūrvaviddhā grāhyā anyeṣu pakṣeṣu paraviddhaiva | iti nṛsiṃhacaturdaśī
Linked texts (4)
- Gadādharapaddhati — Gadādhara Rājaguru 1725, Sanskrit
- Kālasāra — Gadādhara (Pāraskara commentator), Sanskrit
- Kālasarvasva — Kṛṣṇanātha 1750, Sanskrit
- Kāladīpa — Divyasiṃha Mahāpātra 1640, Sanskrit