Kalasara 5.p179

5.p179

bhaviṣyottare,— tataḥ śuklacaturdaśyāmantaṃ pūjayeddharim | tathā,— sarvakāmapradaṃ nṛṇāṃ strīṇāñcaiva yudhiṣṭhira | śuklapakṣe caturdaśyāṃ māsi bhādrapade śubhe || tasyānuṣṭhānamātreṇa sarvapāpaṃ praṇaśyati | tithiyaidhe pūrvaviddhā grāhyā śuklacaturdaśītvāt | atra sarvatra trimuhūrttavyāptyaiva vyavasthā^(1) | “pūrvāṅgo vai devānāṃ” iti śrutyā daivakṛtye vihitasya pūrvāhnasya karmakālatve'pi “daive hyaudayikī grāhyā” iti vākyāt sodayatrimuhūrttavyāpterevātra prāptatvāt | “trimuhūrttābhāve samācārād dvimuhūrttāpi grāhyā” iti mādhavīye yallikhitam, tadasaṅgrahācāravirodhānnādriyate | madhyāhne bhojyavelāyāṃ samuttīryya sarittaṭe | gatvā dadarśa sā strīṇāṃ samūhaṃ raktavāsasām || caturdaśyāmarcayantaṃ bhaktyā devaṃ pṛthak pṛthak | iti liṅgānmadhyāhnaḥ karmakāla iti kecit, tanna | pramāṇāntarasatve liṅgasyopolakatvaṃ, nātra pramāṇāntaramastīti liṅgasya daurbalyāt | tithitattvakārā api “daivakṛtye vihitasya pūrvāhnasya vidhyasama-