Kalasara 5.p35

5.p35

sa yāti narakaṃ ghoraṃ kālasūtraṃ bhayaṅkaram || dvitīyāśeṣasaṃyuktāṃ yā karoti vimohitā | sā vaidhavyamavāpnoti pravadanti manīṣiṇaḥ || evaṃ skānde'pi bahūni vākyāni santi | atra trimuhūrttavyāptyaiva vyavasthā | vedhaśāstre tathaiva nirṇayāt | kalā kāṣṭhāpi vā caiva dvitīyā saṃpradṛśyate | sā tṛtīyā na karttavyā karttavyā gaṇasaṃyutā || iti yat skāndavacanaṃ, tat kaimutikanyāyena trimuhūrttaṃ dṛḍhayatīti mādhavācāryyāḥ | paradine tṛtīyāyā abhāve eva pūrvvaviddhā grāhyā | vaśiṣṭhaḥ,-ekādaśī tṛtīyā ca ṣaṣṭhī caiva trayodaśī | pūrvvaviddhā ca karttavyā yadi na syāt pare'hani || yugmavākyaṃ rambhāvrataviṣayatvena nirṇeyamiti na virodhaḥ | rambhākhyāṃ varjayitvā tu tṛtīyāṃ dvijasattama | anyeṣu sarvvakāryyeṣu gaṇayuktā praśasyate || iti brahmavaivarttaukteḥ