Kalasara 5.p92

5.p92

śuddhāyāmaṣṭamyāṃ sampūrṇayogārddharātrayogāhvorātrārthatkiñcinmuhūrttayogeṣu na saṃdehaḥ | evaṃ saptamīviddhāyāmaṣṭamyāṃ saṃpūrṇarohiṇīyogārddharācatadyogāhorācārdhatkiñcinmuhūrttatadyogeṣvapi pūrvaca vratam | eteṣu ṣaṭṣu bhedeṣu dināntare yogābhāvāt | kintu yogatāratamyāt prāśastyatāratamyam | yatkiñcinmuhūrttayogaḥ praśastaḥ | arddharātrayogaḥ praśastataraḥ | saṃpūrṇayogaḥ praśastatamaḥ | muhūrttamapyahorāce yasmin yuktaṃ hi labhyate | aṣṭamyāṃ rohiṇī ṛcaṃ tāṃ puṇyāṃ samupāvaset || iti viṣṇu rahasyokteḥ, pūrvedyuḥ sampūrṇāṣṭamī paredyurapi varddhate cet śuddhādhikā bhavati | sāpi pūrvedyureva rohiṇīyutā| paredyureva tadyutā | ubhayatra tadyutā ceti | tatrādyadvitīyayorna sandehaḥ | tṛtīye pūrvedyureva, paradigārddharātre'ṣṭamyabhāvāt | niśīthe tithinakṣacayoogasya praśastataratvāt | nanu,- udaye cāṣṭamī kiñcinnavamī sakalā yadi | sā bhavet budhasaṃyuktā prājāpatyarcasaṃyutā || api varṣaśatenāpi labhyate vā navā vibho | iti skāndoktā paredyuḥ kiṃ na syāditi cenna | tasyāḥ pūrvedyuḥ nakṣacayogābhāvaparatve'pyupapatteḥ | pūrvedyuḥ niśīthātprāk saptamyā yutā paredyuḥ niśīthorddhaṃ tatparyyantaṃ vā vidyamānā viddhādhikā | sāpi vividhā | pūrvedyureva rohiṇīyutā | paredyureva tadyutā | ubhayaca tadyutā ceti | ādye pūrvedyureva, 'vinā ṛcaṃ na karttavyā navamīsaṃyutāṣṭamī | kāryā viddhāpi saptamyā rohiṇīsaṃyutāṣṭamī || iti