Kalasara 5.p96

5.p96

paraiva niśīthayogābhāve'pi saṅkalpakālamārabhya yogasya sattvāt | dvitīye paraiva | saptamīsahitāṣṭamyāṃ bhūtvā ṛkṣaṃ dvijottama | prājāpatye dvitīye'hni muhūrttāīṃ bhavedyadi || tadāṣṭamyāmikaṃ puṇyaṃ proktaṃ vyāsādibhiḥ parā | iti skāndokteḥ | tṛtīye'pi paraiva | pūrvaviddhāṣṭamī yā tu udaye navamīdine | muhūrttamapi saṃyuktā saṃpūrṇā cāṣṭamī bhavet || iti pādmokteḥ | eteṣu jayantībhedeṣu yadā kadācit budhavārayogo yadā somavārayogo bhavati, tadā caturthyāṃ maṅgalavāravat, amāvāsyāyāṃ somavāravat, sūryyagrahaṇe ravivāravacca phalādhikyam | tathāca pādme,—pretayonigatānāṃ tu pretatvaṃ nāśitaṃ naraiḥ | yaiḥ kṛtā śrāvaṇe māsi aṣṭamī rohiṇīyutā || kiṃ punarbudhavāreṇa somenāpi viśeṣataḥ | viṣṇudharmottare'pi,— aṣṭamī budhavāreṇa rohiṇīsahitā yadā | bhavettu muniśārdūla kiṃ kṛtairvratakoṭibhiḥ || tathāca,—“udaye cāṣṭamī kiñcit” iti skāndoktirapi etatsamānārthaiva | tasmāt vārayoge phalaśruterguṇaphalavodhakatvamiti, na vāraviśeṣānusāreṇa vyavastheti, mādhavācāryyatithyitattvahṛtaprabhṛtayo'smaddeśyavṛddhanivandhāstanna || nanu anayaiva rītyā rohiṇīguṇaphalamastu iti cet, na | prājāpatyarkṣasaṃyuktā kṛṣṇā nabhasi cāṣṭamī | muhūrttamapi labhyeta saivopodhyā mahāphalā || iti smṛtau, vāsare vā niśāyāṃ vā yatra yuktā tu rohiṇī | viśeṣeṇa nabhomāsi saivopodhyā sadā tithiḥ