Kalasara 6.p15

6.p15

bhaviṣyottare pūjāvidhimuktā, - evaṃ kṛtvā vidhānena dyūtakrīr̤āṃ samācaret | acaiśca caturaṅgaiśca muṣṭiśyautyādibhistathā || krīr̤ayecca yathānyāyaṃ yudhiṣṭhira parasparam | brāhmaṇaiḥ kṣatriyairvaiśyaiḥ śūdraiścaivānyavarṇakaiḥ || tathā,- tāmbūlairnālikelaiśca vastraiścaiva kapardakaiḥ | parasparañca dātavyaṃ pūjyadevaṃ samarccayet || evaṃ yaḥ kurute bhaktyā tasya devī priyā bhavet | dadātyabhimatān kāmān aihikāmuṣmikān sadā || atra "niśi" dūti "niśītha" dūti cābhidhānāt rātrau pūjādikaṃ kāryyam | tatra tithidvaidhe yahine pradoṣaniśīthobhayavyāptiḥ taddine kāryyam, niśyāniśīthobhayavyāpteḥ | yadā pūrvedyurniśīthavyāptiḥ, paredyurastamayādupari vyāptiḥ cet tadā paredyuḥ, prātarārabhya rātrisambandhāt pradhānapūjākālānurodhācca | yadā pūrvedyurniśīthavyāptiḥ, paredyurna niśāyogaḥ tadā sutarāṃ pūrvedyuḥ| ahaḥsu tithayaḥ puṇyāḥ karmānuṣṭhānato divā | naktādivratayogeṣu rātriyogo viśiṣyate || dūti jābālyukteḥ | asyāḥ kumārapaurṇamāsīti sañjñāntaraṃ, tatra kumārotpatteḥ | tathāca śivapurāṇe,- āśvayukpaurṇamāsyāntu vibheda divi śaṅkaraḥ | dṛṣyādyuktā,