Kalasara 6.p33

6.p33

bhaviṣye tu pakṣaḥ sphuṭaḥ,— yā śuklā kuru śārdūla vaiśākhe māsi vai tithiḥ | tṛtīyā sākṣayā loke gīrvāṇairabhivanditā || dūti | ekāmrapurāṇe,— āṣār̤haśuklāṣṭamyāntu parśurāmasya sannidhau | naya māṃ tatra yatnena śivikāsthaṃ trilocanam || śaive,— śayane ca caturddaśyāṃ yaḥ paśyet kṛttivāsasam | sa brahmalokamāpnoti niyataṃ munisattama || ekāmrapurāṇe tu,— atha vakṣyāmi deveśi yātrāṃ me śayanottamām | āṣār̤hasya ca śuklāyāṃ caturddaśyāṃ samācaret || dūti māsapakṣau sphuṭau | ekāmrapurāṇe,— śrāvaṇyāṃ caitraśuklāyāṃ caturddaśyāmamāpatim | pavitrairarcayedyātrāṃ kurvvan divyaṃ mahotsavam || śaive,— yamadvitīyāyātrāṃ yaḥ paśyettatra samāhitaḥ | sa yamenārcito bhūtvā svargalokamavāpnuyāt || mahābhārate tu,— kārttike śuklapakṣe tu dvitīyāyāṃ yudhiṣṭhira | yamo yamunayā pūrvvaṃ pūjitaḥ svagṛhe svayam || ityādinā māsapakṣau sphuṭau || śaive,— prabodhinīcaturddaśyāṃ dṛṣṭvā tribhuvaneśvaram | prabuddhaḥ sarvvadevaistu śivalokamavāpnuyāt || ityādiṣu ca puṇyeṣu divaseṣu ca yo naraḥ | paśyet tribhuvaneśañca sa labhet paramāṃ gatim || ekāmrapurāṇe tu,— kārttikasya site pakṣe caturddaśyāṃ maheśvari