Kalasara 6.p35

6.p35

athānadhyayanakālāḥ | manuḥ, – etān nityamanadhyāyānadhīyāno vivarjayet | adhyāpayaṃśca kurvāṇaḥ śiṣyāṇāṃ vidhipūrvakam || karṇaśrave'nile rātrau divā pāṃśusamūhane | etau varṣāsvanadhyāyāvadhyāyajñāḥ pracakṣate || vidyutstanitavarṣāmu maholkānāñca saṃplave | ākālikamanadhyāyameteṣu manurabravīt || etāṃstvabhyuditān vidyādyadā prāduṣkṛtāgniṣu | tadā vidyādanadhyāyamanṛtau cābhradarśane || nirghāte bhūmicalane jyotiṣāñcopasarjane | etānākālikān vidyādanadhyāyānṛtāvapi || prāduṣkṛteṣvagniṣu tu vidyutstanitaniḥsvane | sajyotiḥ syādanadhyāyaḥ śeṣe rātrau yathā divā || nityānadhyāya eva syāt grāmeṣu nagareṣu ca | dharmanaipuṇyakāmānāṃ pūtigandhe ca sarvadā || antaḥ śavagate grāme vṛṣalasya ca sannidhau | anadhyāyo rudyamāne samavāye janasya ca || udake madhyarātre ca viṇmūtrasya visarjane | ucchiṣṭaḥ śrāddhabhuk caiva manasāpi na cintayet || pratigṛhya dvijo vidvānekoddiṣṭasya ketanam | tryahaṃ na kīrttayedbrahma rājño rāhośca sūtake || yāvadekānuviṣṭasya gandho lepañca tiṣṭhati | viprasya viduṣo dehe tāvadbrahma na kīrttayet || śayānaḥ praur̤hapādaśca kṛtvā caivāvagakthikām | nādhīyītāmiṣaṃ jagdhvā sūtakānnādyameva ca || nauhāre vāṇaśabde ca sandhyayorubhayorapi | amāvāsyācaturddaśyoḥ paurṇamāsyaṣṭakāsu ca || amāvāsyā guruṃ hanti śiṣyaṃ hanti caturddaśī | brahmāṣṭamaupaurṇamāsyau tasmāttāḥ parivarjayet || pāṃśuvarṣe diśāṃ dāhe gomāyurudite tathā | śvakharoṣṭre ca rudati paṅgau ca na paṭheddvijaḥ || nādhīyīta śmaśānānte grāmānte govraje tathā | vasitvā maithunaṃ vāsaḥ śrāddhakaṃ pratigṛhya ca || prāṇi vā yadi vāprāṇi yatkiñcit śrāddhakaṃ bhavet | tadālabhyāpyanadhyāyaḥ prāṇāsyo(1) hi dvijaḥ smṛtaḥ || caurairupaplute grāme saṃbhrame vāgnikārite | ākālikamanadhyāyaṃ vidyāt sarvādbhuteṣu ca || upākarmaṇi cotsarge trirātraṃ cepaṇaṃ smṛtam