Kalasara 7.p12

7.p12

karaṇaṃ | puṃsavanasīmantonnayanajātakarmanāmakaraṇaniṣkrāmaṇānnaprāśanānāṃ saṃskāraṣaṭkarmmaṇāṃ kālasya niyatatvātteṣāṃ karaṇaṃ | niṣedhavākyeṣu cūr̤ādīnāmevoktatvācca, kevalaṃ vihitakāleṣvanuṣṭheyaḥ, ullaṅghya kālāntare tatkaraṇaprasaktau siṃhavṛddhasrutau tāni sarvvathānuṣṭheyāni | tatra tithinakṣatraśuddhivat kālaśuddherapi apekṣaṇīyatvāt || tathāca kālapratīkṣāsaṅghakarmaṇāṃ apratikānāṃ pretakṛtyāśaucādīnāṃ grahaṇādyalabhyayogavihitakarmaṇāṃ ca karaṇaṃ | doṣātiśayaśravaṇāccyastrīgamanamapi kāryyaṃ “na ṛ̱tuṃ na kālaṃ pṛcchet” iti śruteḥ | somayāge aśuddhakālasyāniṣiddhatvāt ācārācca somaḥ kāryyaḥ | tathāca tadaṅgādhānasya sutarāṃ karaṇaṃ | “yāgakaraṇaniṣedhoktistu bhūtipucābhicārādikāmyayāgaparā” iti yājñikāḥ| tatra niṣedhavacanāni, śaunakaḥ,— snānaṃ tīrthagatirvratañcaramahānadānapratiṣṭhādikaṃ | siṃhasthe vibudhārcite na śubhadaṃ kartustathā sūryyage || sūryyage gurvvāditya ityarthaḥ | śātātapaḥ,— māgha eva yadā māghī siṃhe caiva yadā guruḥ | vrataṃ cauraṃ tathoddāhaṃ gṛhakarma vivarjjayet || śatānandaḥ,— māghe ca māghī yadi paurṇamāsī, tasyāṃ vidhau siṃhagate ca jīve,| nodvāhakarmmāca ca kāmarūpe, samācaredbyākhyadiśi praśastam || māghe na yadi māghī syānmahāmāghaḥ sa ucyate | yajñodvāhau na kurvīta yāvat siṃhagato guruḥ || mahāmāghīṃ vinaivāha māṇḍavyaḥ siṃhage gurau | vivāhavarjaṃ karmāṇi kuryyāditi vacaḥ śṭaṇu || śrutivedhavratacūḍānavayajñapratiṣṭhādyāḥ | ravibhavanasthe jīve kāryyā varjyā vivāhastu