Kalasara 7.p14

7.p14

siṃhasaṃsthaṃ guruṃ śukraṃ sarvārambheṣu varjayet | prārambhaṃ na ca sidhyeta mahābhayakaraṃ bhavet || putrabhrātṛkalatrāṇi hanyātśīghraṃ na saṃśayaḥ | kārako vrajate nāśaṃ santānaṃ cīyate'cirāt || devārāmatar̤āgeṣu prapodyānagṭaheṣu ca | siṃhasthaṃ makarasthaṃ ca guruṃ yatnena varjjayet || ityādi nānāviruddhavākyaiḥ siṃhasthabṛhaspatau vivāhopanayanādikarmakaraṇasandehe gurvāditya ityādipūrvodāhṛtoktibalāt deśācārastāvadādau vicintya iti siddhāntitatvāt apivā kāraṇāgrahaṇe prayuktāni pratīyantiti jaiminīyanyāyācca vivāhopanayananavatīrthayācādikaṃ sarvathā na kāryaṃ iti siddhāntaḥ | asmaddeśācārastu tathaiva dṛśyate || rājamārttaṇḍe,– bhavet sandhyāgataḥ paścādastameti dinatrayaṃ | dināni pañca pūrveṇa sarvakarma(1) vivarjayet || bālo dinacatuṣkaṃ syādvṛddhaḥ pañcāhamiṣyate | tryahaṃ sandhyāgataḥ śukrastridhāyyevaṃ vivarjayet || tathāca sandhyāstamitatvabālatvavṛddhatveṣu caturṣu śukrasya naṣṭatvaṃ | tatra sarvakarmavarjanaṃ | bṛhaspatiḥ,– bāle vā yadi vā vṛddhe śukre cāstamupāgate | malamāsa ivaitāni varjayeddevadarśanaṃ || malamāsadṛṣṭāntopādānānmalamāse yāvanniṣiddhaṃ, tāvat sarvamiha niṣidhyate | sakalakāmyānyapi varjyāṇi | tathā,– apūrvadevatāṃ dṛṣṭvā śucaḥ sturnaṣṭabhārgave | malamāse'pyanāvṛttattaurthayātrāṃ vivarjayet || tatra vicārāntaramāha śatānandaḥ,– gurubhārgavayaureko yadi syādudito yuvā | vivāhavarjjamanyāni kuryādityāha cāṅgirāḥ