Kalasara 7.p31

7.p31

mādhavīye tu pakṣāntaramuktam | tathā ca ekādaśau prakṛtya, mātsye,– sūtakānte naraḥ snātvā pūjayitvā janārddanam | dānaṃ datvā vidhānena vratasya phalamaśnute || iti | sūtake mṛtake caiva triṣyaśaucaṃ na vidyate | yajñe vivāhakāle ca devayāge tathaiva ca || iti vākyāt prārabdhaśaratkālīnadurgeotsavādibrateṣu nāśaucam| aśaucidravyasya pūjānarhatve'pi tadarthapūrvvasañcitadravyaiḥ pūjā | bṛhaspatiḥ,– vivāhotsavayajñeṣu tvantarā mṛtasūtake | pūrvvasaṅkalpitaṃ dravyaṃ na duṣyati kadācana || laiṅge,– sūtakāmnṛtakātpūrvvaṃ dharmārthaṃ yatprakalpitam | dravyaṃ tena yajeddhīmāṃstathaiveotpāditairapi || paiṭhīnasiḥ,– vivāhadurgayajñeṣu yātrāyāṃ tīrthakarmmaṇi | na tatra sūtakaṃ tadvat karma yajñādi kārayet || viṣṇuḥ,– vratayajñavivāheṣu śrāddhe home'rccane jape | prārambhe sūtakaṃ na syādanārambhe tu sūtakam || itīdaṃ sahasranāmādistavopalakṣaṇam | sarvvasaṅkalpite'rthe ca tasminnāśaucamucyate | iti yamokteḥ | tasmādvṛtānāṃ tattatkarmasu nāśaucam| kintu bahudinasādhyāni prārabdhastavapāṭhajapahomādikarmmāṇi kālapratīkṣāsahāni cettarhi aśaucamadhye'pi pratyahamamuṣṭhāyāśaucānta eva samāpyāni | durbhikṣaprāṇarakṣāśamakaraṇavipattyādideśādibhaṅgādikhārambhaḥ samāptiḥ stavapaṭhanajapāderbhavetāṃ na doṣaḥ | pūrvārambhe vivāhavratamadanajalādhāradevapratiṣṭhā, dānaśrāddhādikṛcchrādikamaghapatane syātsamāpyaṃ tadāpi