Kalasara 7.p5

7.p5

karttavyatvāgrahāṇāṃ vacanabalāttayoḥ śuddhamāsa evānuṣṭhānaṃ, na male || tathāca “mahālayāṣṭake śrāddhe” ityādi kāṭhakagṛhyavacanaṃ pūrvamudāhṛtaṃ| hārīto'pi,upārkarma tathotsargaṃ kāmyamutsavamaṣṭakāḥ | māsavṛddhau parā kāryā varjayitvā tu paitṛkaṃ || bhṛgurapi, - vṛddhiśrāddhaṃ tathā somamagnyādheyaṃ mahālayaṃ | rājyābhiṣekaṃ kāmyaṃ ca na kuryādrāhusaṃsthite || nāgarakhaṇḍe'pi,nabho vātha nabhasyo vā malamāso yadā bhavet | saptamaḥ pitṛpakṣaḥ syādanyathaiva tu pañcamaḥ || atrāṣāḍhīmadhikṛtya saptamapañcamau draṣṭavyau | “āṣāḍhyāḥ prathamaḥ pakṣaḥ” iti vacanāt | abdodakumbhamanvādimahākṣayayugādiṣu | iti kālādarśasaṃgrahavākye tu mahākṣayaśabdena tīrthaviśeṣasya māghatrayodaśyāṃ(1) vā vivakṣitalamiti mādhavācāryāḥ| tasmādadhimāse'pi sarvathā na mahālayaśrāddhaṃ, nāpyaṣṭakāśrāddhaṃ, tadatusandhilābhānvaṣṭakāśrāddhamapi kāryaṃ | māsikaśrāddhaṃ malamāse kāryaṃ | pratyahaṃ pretābdodakumbhadānamapi kāryaṃ,yatra vā tatra vā ṣaṣṭhe māsi ṣāṇmāsikaṃ bhavet | traipakṣikaṃ tripakṣe ca pūrṇe syāttadanantaraṃ