Kalasara 7.p53

7.p53

kṣatrasya pañcama ityādi tu kṣatriyādīnāṃ dvādaśāhādyāśaucapakṣe, asmaddeśe tu sarvavarṇānāṃ daśāhāśaucapakṣāśrayaṇāt caturthe'hanyevāsthicayanamaṅgāśaucaṃ ca tāvat | devalaḥ,– aśaucakālāt vijñeyaṃ sparśaṃnantu tribhāgamaḥ | sūtake tu sūtikāṃ vinā kule'ṅgāśaucābhāvaḥ | tathācāṅgirāḥ,– sūtake sūtikāvarjaṃ saṃsparśo naiva duṣyati | brāhme tu viśeṣaḥ,– anyāstu mātara stadvat tadgṛhaṃ na vrajanti cet | sapiṇḍāścaiva saṃspṛśyāḥ santi sarve'pi nityaśaḥ || śaṅkha-likhitau,– "snānopasparśanādeva pitāśuddhaḥ, nār̤aucchedanāt paraṃ daśarātraparyyantaṃ māturapyaṅgāśaucam" | tathā ca hārītasūtraṃ,– “ata ūrddhamamamālambhanamādaśarātrāditi" | devalo'pi,– “mātā śuddhedaśāhena” | iti | yadi patyāṃ prasūtāyāṃ naraḥ samparkamṛcchati | sūtakantu bhavettasya yadi vipraḥ ṣar̤aṅgavit || pāraskaraḥ,– “sparśaṃnañca piturnetareṣām” | ityanena ṣar̤aṅgavidapi brāhmaṇaḥ pitā sūtikāsyarśe daśarātraparyantamaṅgāśaucītyarthaḥ| anyeṣāṃ tu tatsparśe snānamātram | tathācāṅgirāḥ,– saṃsparśe sūtikāyāśca snānamātraṃ vidhīyate | jñātīnāmapi dvitricaturādiyatkiñcidaśaucasannipāte laghvauṣāpagamāntamaṅgāśaucam | tathā ca brāhme,– sarvvamaṅgamasaṃspṛśyaṃ tacca syātsūtake sati | sūtaka madhye sūtake nitarāṃ sūtakamadhye mṛtake | pitrormmṛtyāṃ śarīraṃ gṛhamaśuci bhavedavarṣamekaṃ na daivam, pitryaṃ karmāpi kāmyaṃ paragṛhapacanakṣaudramāṃsāśanaṃ ca | svādhyāyānyābdikādyutsavaśubhakaraṇaṃ kṣetratīrthādi na syāt, kintu kuryyānnaimittikakaraṇaparapretahṛtyānyapodya || ṣaṇmāsān syādvimāturmaraṇa idamaghaṃ vyāpya bhāryyāvināśe, trīn māsān syādaśaucaṅkaditamapi sutabhrātṛnāśe vipaścān | tanmadhye cetsapiṇḍīkaraṇamapi kṛtaṃ kāmyakṛtye'pi vṛtte, dravyādānādirūpe'dhikṛtirapi matā pūtrtte dṛṣṭe'pi tacca || dānaṃ nityavratāṅgaṃ grahaṇamihirasaṅkrāntidāne ca paitro, yajñakṣārāmanīrāśayasurasadanānyannadānañca pūtrttam | dṛṣṭaṃ tvātithyamuktaṃ śrutipaṭhanatapaḥśrautaśālāgnikāryyā,ntarvvedaudānamuktaṃ smṛtiṣu nigaditaṃ vaiśvadevo'pi satyam || nodvāhe dārasaṅge ladhikṛtiritarākṣādisuktau mahe no, darśādau dīpadāne nipavana iha na pretapakṣe gayāyām | nānyeṣāṃ tarpaṇenābdika iva jananīvārṣike nādhikāra,– stātābde'syāsti tātābdika iha jananīvarṣamadhye'dhikāraḥ